John 14:9 - De Nyew Testament

⁹ Jedus ansa Philip say, “A done lib mongst oona all dis long time. Stillyet ya ain know me, Philip? Ebrybody wa done see me done see me Fada. Hoccome ya say, ‘Show we de Fada’?

John 14:9 ပူးပေါင်းရင်းမြစ်များ

Mark 9:19

Jedus ansa um say, “Oona people wa lib een dis time ain got no fait! How long A haffa be dey wid oona? How long A gwine haffa pit op wid oona? Bring de boy ta me!”

Luke 12:56

Oona hypicrit! Oona know how fa look ta de eart an ta de eliment an tapetate bout de weda. Den hoccome oona ain know wa dem ting mean bout me wa dey yah een dis wol now? Fa true, oona ain wahn fa know, ainty?”

John 1:14

De Wod come fa be a man, an e lib mongst we fa a wile. We see de glory God gim, cause e de onliest Son ob de Fada God. An e gii we all de blessin ob God an mek we know wa true bout God.

John 10:30

Me an me Fada, we one.”

John 12:45

An wen somebody da look at me, e da see de one wa sen me.

John 14:20

Wen dat day come, oona gwine know A da lib een me Fada an oona da lib een me, same like A da lib een oona.

John 14:7

Ef oona been know me fa true, oona been gwine know me Fada too. An fom now on, oona know um an oona da shim.”

John 8:19

Dey aks um say, “Weh ya Fada dey?” Jedus ansa, “Oona ain know me, an oona ain know me Fada. Ef oona been know me, oona been gwine know me Fada, too.”

1 Corinth 15:12

Now den, we beena tell oona say, God done mek Christ git op fom mongst de dead an lib gin. So hoccome some ob oona da say, God ain gwine mek dem wa done dead lib gin?

Philippi 2:6

E been God fa true, stillyet e ain tink e oughta try fa stan same like God stan.

Colosse 1:15

Ain nobody kin see God. Bot wen we see wa Christ like, we see pazactly wa God like. God ain mek nottin fo Christ been dey. Christ fus been dey, an Christ oba ebryting wa God mek.

Hebrew 1:3

God Son, e de light wa da show we de bright glory ob God. Wen oona see de Son, oona da see God, cause de Son jes de same as God. An de Son wod wa got powa fa true, da mek all ting stay jes like dey spose fa stay. An atta de Son done dead fa people sin, fa mek um clean een God eye, e gone ta heaben an seddown ta de right han side ob God, wa got mo powa den all.

1 John 5:20

An we know dat de Son ob God done come an mek we know de true God. We da lib een de God wa true, een e Son, Jedus Christ. Dis de true God an de life wa ain gwine neba end.