John 13:34 - De Nyew Testament

³⁴ An now A da gii oona a nyew chaage. Oona fa lob one noda. Same fashion A done lob oona, same fashion oona fa lob one noda.

John 13:34 ပူးပေါင်းရင်းမြစ်များ

Matthew 5:44

Bot A da tell oona say, Ya mus lob dem wa do ya wrong, an ya mus pray ta God fa dem people wa da mek ya suffa.

John 15:17

So den, dis wa A da chaage oona fa do, ‘Oona mus lob one noda.’

John 17:21

A da pray, Fada, leh all ob um hab one haat, same like ya dey een me an A dey een ya. Leh dem all hab one haat wid we, so dat de oda people een de wol kin bleebe dat ya done sen me.

Rome 12:10

Mus lob one noda like people wa blongst ta de same fambly. An mus be heppy fa gii hona ta ya bredren.

Rome 13:10

Wen ya lob ya neighba, ya ain gwine do um no bad. So den, wen ya lob, ya da do all wa de Law say ya oughta do.

Rome 13:8

Mus dohn owe nobody no debt, cep de debt dat oona mus lob one noda. Dem wa da lob one noda da do all wa de Law ob God say dey oughta do.

Galatia 5:22

Bot God Sperit da mek people good like a tree da grow good fruit. God Sperit da mek people lob one noda. E da mek um hab joy een dey haat. E da mek um gree wid one noda. E da mek um able fa beah trouble, an e da mek um hep one noda. E da mek um do good ta one noda. An e da mek um able fa do wa e wahn um fa do.

Galatia 5:6

Wen we one wid Jedus Christ, ef we git circumcise or ef we ain git circumcise, dat ain mean nottin tall. Bot de ting wa matta mo den ebryting else, dat we trus een Christ. An people gwine see dis wen dey see how we da show lob ta oda people.

Galatia 6:10

So den, any time we git de chance, we oughta do good ta all people, an eben mo ta we Christian bredren, cause dey blongst ta we fambly een Christ.

Galatia 6:2

Wen sompin da trouble somebody an e da beah hebby load, oona mus hep um. Wen oona do dat, oona gwine do wa Christ chaage oona fa do.

Ephesus 5:2

Oona life mus be full op wid lob een all dat oona do, jes like Christ lob we an done gii e life op fa we. E offa op e life as a sweet smellin offrin ta God, a sacrifice wa sattify God.

Colosse 1:4

We tank um cause we yeh how oona trus een Jedus Christ an how oona lob all God people.

1 Thessalonica 3:12

An we pray, too, dat de Lawd mek oona lob one noda an all oda people mo an mo, jes like we da lob oona.

2 Thessalonica 1:3

We Christian bredren, we mus tell God tankya all de time fa oona. Dat right fa we fa do, cause oona fait een Christ da grow mo an mo scronga, an ebry one ob oona da lob one noda mo an mo too.

Hebrew 13:1

Oona mus keep on da lob oona Christian bredren.

James 2:8

Oona da do de right ting ef oona do wa de law een God Book say. E tell we say, “Mus lob ya neighba jes like ya lob yasef.”

1 Peter 1:22

Now dat oona da do wa de true wod tell oona fa do, dat mek oona stop fa do bad an mek oona lib clean life. An cause ob dat, oona lob oona Christian bredren fa true. So den, mus lob one noda, fa true, wid all oona haat.

2 Peter 1:7

Now pontop ob dat, lob ya Christian bredren an lob all people.

1 John 3:11

Dis de message oona done yeh fom de fus: We mus lob one noda.

1 John 3:23

Dis wa God chaage we fa do: We fa bleebe pon de name ob e Son Jedus Christ. An we oughta lob one noda, same like Christ chaage we fa do.

1 John 4:21

So den, de one wa lob God haffa lob e broda too. Dat wa Christ chaage we fa do.

2 John 1:5

Now, deah lady A da beg ya: Leh we lob one noda. Dis chaage wa A da write ain no nyew ting. Dat wa we been know fom wen we fus bleebe pon Christ.