John 13:19 - De Nyew Testament

¹⁹ A da tell oona now wa gwine happen, so dat wen e happen, oona gwine bleebe A da who A da.

John 13:19 ပူးပေါင်းရင်းမြစ်များ

Matthew 11:3

Dey aks Jedus say, “Ya de Messiah wa been gwine come, or we spose fa look fa noda poson?”

Matthew 24:25

So den oona mus listen op! A done waan oona bout dem ting yah.

Luke 21:13

Dat de time dey wen oona gwine hab good chance fa tell de people de true ting wa oona know bout me.

John 1:15

John beena tell people bout um. E holla say, “Dis de poson A beena tell oona bout wen A say, e gwine come wen A done done de wok wa God sen me fa do. Bot e great fa true, way mo den me, cause e done been dey fo A bon.”

John 14:29

A done tell oona all dis fo e happen, so dat wen e happen, oona gwine bleebe.

John 16:4

Bot A done tell oona dis now so dat wen de time come wen dey da do dem ting ta oona, oona gwine memba wa A done tell oona. “A ain tell oona dis wen A fus staat fa laan oona, cause den A been dey wid oona een dat time.

John 4:26

Jedus tell um say, “A de one ya da taak bout.”

John 8:28

So den Jedus tell um say, “Wen oona lif op de Man wa Come fom God, den oona gwine know who A da. Oona gwine know dat A ain do nottin on me own. A jes say wa de Fada laan me fa say.

John 8:58

Jedus ansa um say, “A da tell oona fa true, fo Abraham bon, ‘A da.’ ”