John 13:15 - De Nyew Testament

¹⁵ A done do dat fa show oona wa oona oughta do, so dat oona gwine do de same ting.

John 13:15 ပူးပေါင်းရင်းမြစ်များ

Matthew 11:29

Jes like de ox tek dey wood yoke pon dey shoulda, tek me yoke pon ya. Leh me laan ya, cause A da beah wid ya an A hab a humble haat. Ef ya come ta me like dat, ya gwine git res fa ya soul.

Rome 15:5

An A da pray dat God, wa da courage people an mek um able fa beah wa come, e gwine mek oona able fa gree togeda an lib peaceable cause oona da waak togeda een de way ob Jedus Christ,

Ephesus 5:2

Oona life mus be full op wid lob een all dat oona do, jes like Christ lob we an done gii e life op fa we. E offa op e life as a sweet smellin offrin ta God, a sacrifice wa sattify God.

1 Peter 2:21

God call oona fa do dat. Cause Christ too done suffa fa oona an show ya dat ya fa folla um an do jes like e beena do.

1 Peter 5:3

Mus dohn treat dem people like slabe wa God done gii ya fa tek cyah ob. Steada dat, ya oughta do good sommuch til de people deysef wahn fa be jes like oona.

1 John 2:6

De one wa say e da lib een God, e oughta waak same like Jedus Christ waak.