John 12:36 - De Nyew Testament

³⁶ Now wen de light dey wid oona, bleebe pon de light, so dat oona kin be de kinda people wa stay een de light all de time.” Atta Jedus say dat, e lef de people an gone ta a place weh dey ain been able fa find um.

John 12:36 ပူးပေါင်းရင်းမြစ်များ

Matthew 21:17

Jedus lef um an gone outta de city fa sleep een Bethany.

Matthew 5:14

“Oona jes like light fa de whole wol. Ain no way ya kin hide a city wa people build pontop a hill.

Luke 16:8

“Now den, de bossman say de ceitful wokman een chaage hab heapa sense. Fa true, de people wa tink all de time bout ting een dis wol, dey da tink good how fa deal wid people like deysef. Dey tink bout dat mo betta den de people wa da waak een God light.”

John 1:7

E come fa tell people bout de light, so dat ebrybody kin bleebe wen dey yeh wa e say.

John 11:54

Cause ob dat, Jedus ain waak out een de open gin weh all de Jew dem been able fa shim. E lef Judea an gone ta a place close ta de wildaness, ta a town name Ephraim. Oba dey e stay wid e ciple dem.

John 12:37

Eben dough Jedus beena do all dem miracle wa de people see fa deysef, dey still ain been bleebe pon Jedus.

John 12:46

A done come eenta de wol like light, so dat ebrybody wa bleebe pon me ain gwine stay een de daak.

John 3:21

Bot ebrybody wa da lib coddin ta de trute ob God gwine come eenta de light, so dat de light kin show dat fa sho dey beena do wa God tell um fa do.”

John 8:12

Wen Jedus taak gin ta de people, e say, “A de Light ob de wol. De one wa da folla me gwine hab de light wa da gii life an e ain gwine neba waak een de daak.”

John 8:59

Den de people pick op stone fa chunk pon Jedus, bot e hide an come out fom eenside God House.

Ephesus 5:8

Oona done been loss een sin, daak like de daak ob de night. Bot now oona come fa be light. Oona de Lawd own people. So den, oona mus lib like people wa blongst ta de light.

1 Thessalonica 5:5

Oona all people wa blongst ta de light an ta de day. We ain blongst ta de night. We ain like dem wa da lib een de daak.

1 Thessalonica 5:8

Bot we blongst ta de day, an so we mus tink scraight bout how we da lib. We da pit on fait an lob same way de sodjaman da pit on e breastplate. We da pit on de sabation we know God da gii we, same way a sodjaman da pit on e helmet.