John 11:53 - De Nyew Testament

⁵³ Fom de day wen Caiaphas say dat, de Jew leada dem mek scheme fa kill Jedus.

John 11:53 ပူးပေါင်းရင်းမြစ်များ

Matthew 12:14

Bot de Pharisee dem lef dey an meet fa study how dey gwine kill Jedus.

Matthew 16:21

Fom dat time dey, Jedus staat fa splain ta e ciple dem say, “A haffa go ta Jerusalem. Dey de Jew leada dem an de leada dem ob de priest dem an de Law teacha dem, dey gwine mek me suffa a whole heap. Dey gwine kill me, bot een shree day A gwine git op fom mongst de dead an lib gin.”

Matthew 22:46

Wen Jedus say dat, ain been nobody able fa ansa um. Fom dat time dey, nobody ain got no mind fa aks Jedus queshon no mo.

Matthew 26:4

Dey beena study dey head fa figga out how fa grab hole ta Jedus an kill um dout nobody find out bout um.

Matthew 26:59

De leada dem ob de priest dem an all de oda leada dem wa jedge een de Jew Council, dey try fa find some chaage ginst Jedus eben ef e ain been true, so dey kin kill um.

Mark 14:1

E been two day fo de Jew holiday wa dey call Passoba an de Feas ob Unleaven Bread, wen dey nyam bread wa ain hab no yeast. De leada dem ob de Jew priest dem an de Jew Law teacha dem beena try fa find way fa grab hole ta Jedus fa kill um. Bot dey ain wahn de people fa know wa dey da do.

Mark 3:6

De Pharisee dem gone outta de Jew meetin house. Dey gone meet right way wid some ob King Herod people fa see how dey gwine kill Jedus.

John 11:47

Den de Jew priest leada dem an de leada ob de Pharisee dem call a meetin wid de oda Jew leada dem ob de Council. Dey say, “Wa we fa do? Oona see all de miracle dem wa dis man yah da do?

John 12:10

So de leada dem ob de priest dem beena mek scheme fa kill Lazarus too.

John 7:1

Atta dat, Jedus gone all roun Galilee. E ain been wahn fa go eenta Judea, cause de Jew leada dem wa lib oba dey beena look fa kill um.

De Postle Dem 5:33

Wen de Council man dem yeh wa de postle dem say, dey been so mad til dey been wahn fa kill um.

De Postle Dem 9:23

Atta plenty day pass, de Jew people hab a meetin an mek scheme fa kill Saul.