John 1:39 - De Nyew Testament

³⁹ Jedus ansa um say, “Oona come look!” So dey gone wid um an see weh e beena stay. Dat been bout fo o'clock een de ebenin, an dey stay wid um til night time.

John 1:39 ပူးပေါင်းရင်းမြစ်များ

Luke 24:29

So de man dem beg um fa stay wid um. Dey tell um say, “Stay yah wid we, cause de day mos gone an de night da come soon.” So Jedus gone fa stay wid um.

John 1:38

Den Jedus ton roun an shim da folla um, an e aks um say, “Wa oona da look fa?” Dey aks um say, “Rabbi, weh ya da stay?” (Rabbi mean “Teacha.”)

John 1:40

One ob dem two people wa yeh wa John say an gone wid Jedus been name Andrew, de broda ob Simon Peter.

John 1:46

Nathanael aks Philip say, “Nazareth! Ain nottin good kin come fom Nazareth, ainty?” Philip ansa um say, “Come look yah!”

John 4:40

So wen de people ob Samaria come ta Jedus, dey beg um fa stay wid um. An e stay dey two day.

John 6:37

All dem wa me Fada gii me gwine come ta me. A ain neba gwine ton way nobody wa come ta me.

Revelation 3:20

Listen op! A da stanop yah by de door, da knock pon um. Wasoneba one ob oona yeh me boice an open de door ta me, A gwine come eenside e house. An me an e gwine seddown an nyam togeda.