John 1:19 - De Nyew Testament

¹⁹ De Jew leada dem een Jerusalem sen Jew priest an Levite ta John fa aks um say, “Who ya da?”

John 1:19 ပူးပေါင်းရင်းမြစ်များ

John 1:7

E come fa tell people bout de light, so dat ebrybody kin bleebe wen dey yeh wa e say.

John 10:24

De Jew people geda roun um an aks um say, “How long ya gwine mek we wait? Ya mus tell we de plain trute so we kin ondastan ef ya de Messiah dat God been promise.”

John 10:31

Wen Jedus say dat, de Jew people pick op stone gin fa stone um.

John 11:19

An heapa Jew dem done been come fa tell Martha an Mary dat dey saary dey broda Lazarus dead.

John 2:18

Den de Jew leada dem come aks Jedus say, “Wa miracle ya kin do fa show we dat ya got tority fa do dis wa ya done yah?”

John 2:20

Den de Jew leada dem tell Jedus say, “E been tek foty-six yeah fa build dis House. Ya mean fa say dat ya gwine tek jes shree day fa build um back gin?”

John 5:10

So de Jew leada dem see de man wa been sick an done git well, da tote e mat. Dey tell um say, “Dis yah we Woshup Day, an e ginst we Law fa ya fa tote ya mat pon we Woshup Day.”

John 5:15

Den de man lef Jedus an gone fa tell de Jew leada dem say, dat man wa mek um well, e name Jedus.

John 5:16

So den de Jew leada dem staat fa do Jedus bad cause e mek de man well pon de Woshup Day.

John 5:18

Wen Jedus say dat, de Jew leada dem cide fa kill um fa sho, cause e broke de Jew Law pon de Woshup Day. An den too, e eben say dat God e own Fada, so e mek esef same like God.

John 6:41

Den de Jew dem staat fa aagy ginst um, cause Jedus say, “A de bread wa come down fom heaben.”

John 6:52

Dis wa Jedus say mek de people bex, an dey staat fa aagy wid one noda. Dey say, “How dis man yah gwine gii we e body fa nyam?”

John 7:1

Atta dat, Jedus gone all roun Galilee. E ain been wahn fa go eenta Judea, cause de Jew leada dem wa lib oba dey beena look fa kill um.

John 7:11

De Jew leada dem beena look fa Jedus dey. Dey beena aks de people fa um say, “Weh dat man dey?”

John 7:15

De Jew leada dem stonish, an dey aks say, “Hoccome dis man know sommuch wen e ain been ta school eben one day?”

John 8:22

So de Jew leada dem say, “Dis man say we ain able fa gone ta de place weh e da gwine. Oona tink dat mean e gwine kill esef?”

John 8:48

De Jew people aks Jedus say, “Ain we da tell de trute wen we say ya come fom Samaria an ya got a ebil sperit dey een ya?”

John 8:52

Den de Jew dem tell Jedus say, “Now we know fa sho dat ya got a ebil sperit dey een ya! Abraham done dead, an all de prophet dem dead. Stillyet ya say, ‘Ebrybody wa da do wa A da laan um, dey ain neba gwine dead.’

John 8:57

De Jew people say, “Ya ain fifty yeah ole yet. Hoccome ya say ya done see Abraham?”

De Postle Dem 13:25

Jes fo John finish op de wok dat God sen um fa do, e tell de people say, ‘Who oona tink A da? A ain de one dat oona beena look fa. Bot look yah! Dat one dey gwine come wen A done done de wok God sen me fa do. A ain wot nuff eben fa loose de shoe dat e weah pon e foot!’

De Postle Dem 19:4

An Paul say, “Wen John beena bactize people, e tell um e bactize um fa show dat dey done change dey sinful way an ain gwine do um no mo. John tell um say, ‘Mus bleebe pon de one dat gwine come atta A gone.’ Dat de Lawd Jedus dat John beena taak bout.”

1 John 1:5

Dis de message wa God Son tell we an wa we da tell oona. God de light. Ain no daakness een um, none tall.