Hebrew 8:7 - De Nyew Testament

⁷ Ef dat fus cobnant been able fa do wa e need fa do, dey ain oughta been no need fa noda cobnant.

Hebrew 8:7 ပူးပေါင်းရင်းမြစ်များ

Galatia 3:21

Fa true, de wod ob de Law ain ginst wa God done promise, ainty? No, not eben a leeleetle bit! Cause ef God done gii people some special kind ob law dat kin mek um lib, den fa true, God been gwine mek ebryting right twix dem people an esef wen dey do wa dat special law say.

Hebrew 7:11

God gii de Law ta Moses fa gii ta de Israel people. An dat Law pend pon de Jew priest dem wa been fom Levi fambly. Now den, ef dem priest ob Levi fambly been able fa do all wa dey spose fa do, dey ain oughta been no need fa noda kind ob priest fa come, one wa like Melchizedek, an wa ain like a priest fom Aaron fambly line, ainty?

Hebrew 7:18

So den, de ole law done been pit way, cause e ain got nuff powa an ain been able fa do wa e spose fa do.

Hebrew 8:6

So now we see dat God pick Jedus Christ fa do de wok ob a priest, an dat wok betta fa true, mo betta den de wok wa dem oda priest da do. Same way so, de cobnant wa Jedus mek tween God an people stan betta fa true, mo betta den de ole cobnant. Cause een dis nyew cobnant, God mek promise wa mo betta fa true den een dat ole cobnant.