Hebrew 7:21 - De Nyew Testament

²¹ Dey ain been no wow fo wen de oda man dem come fa be priest. Bot wen God mek Jedus fa be priest, e mek a wow say, “A de Lawd mek a wow say, ‘Ya gwine be a priest faeba an eba.’ Me wod ain neba gwine change.”

Hebrew 7:21 ပူးပေါင်းရင်းမြစ်များ

Rome 11:29

God ain neba change e mind bout de people e pick or de blessin e gim.

Hebrew 5:6

An een noda paat ob God Book, e say too, “Ya gwine be a priest faeba an eba, een de same way Melchizedek been a priest.”

Hebrew 7:17

Cause dey write een God Book say, “Ya gwine be a priest faeba an eba, een de same way Melchizedek been a priest.”

Hebrew 7:20

Den too, God been mek a wow, say Jedus gwine be a priest faeba an eba.

Hebrew 7:23

Onda de ole cobnant, dey been plenty priest wa come fom Levi tribe, cause dey done dead an lef dey priest wok. Den oda priest dem come fa do de wok wa dey beena do.

Hebrew 7:28

Dem head man ob de priest dem wa Moses Law done pick, dey been man dem wa kin do ting wa ain right. Bot wen God mek a wow an mek de promise wa come atta Moses Law, God pick e Son fa do all God wahn, faeba.