Hebrew 7:11 - De Nyew Testament

¹¹ God gii de Law ta Moses fa gii ta de Israel people. An dat Law pend pon de Jew priest dem wa been fom Levi fambly. Now den, ef dem priest ob Levi fambly been able fa do all wa dey spose fa do, dey ain oughta been no need fa noda kind ob priest fa come, one wa like Melchizedek, an wa ain like a priest fom Aaron fambly line, ainty?

Hebrew 7:11 ပူးပေါင်းရင်းမြစ်များ

Galatia 2:21

So den, A ain gwine say de way God gii e blessin ain wot nottin. Ef somebody kin do wa de Jew Law say e haffa do, an dat kin mek all ting right twix dat poson an God, den dat mean fa say Christ done dead fa nottin!

Galatia 4:3

Same way, we, too, been slabe ta de sperit dem wa da rule oba de wol, wen we been like leetle chullun, fo we been ondastan de trute bout God.

Galatia 4:9

Bot now dat oona come fa know God--or A oughta say, now dat God know oona--hoccome oona da ton back fa be slabe gin ta dem sperit wa da rule oba de wol. Dey ain got no scrent an dey ain wot nottin. Fa sho, oona ain wahn fa be dey slabe all oba gin, ainty?

Hebrew 5:10

An God pick um fa be head man ob de priest dem, een de same way Melchizedek been.

Hebrew 5:6

An een noda paat ob God Book, e say too, “Ya gwine be a priest faeba an eba, een de same way Melchizedek been a priest.”

Hebrew 6:20

Jedus gone eenta dat place heada we. An e dey fa we sake. E come fa be a head man ob de priest dem faeba an eba, een de same way Melchizedek been head man ob de priest dem.

Hebrew 7:10

Wen Melchizedek meet Abraham, Levi ain been bon yet, bot we kin say dat so e stan, cause Levi been Abraham blood fambly.

Hebrew 7:12

Wen God change de kind ob priest dem, de law too haffa change.

Hebrew 7:13

We Lawd, de one wa dey tell dem ting bout een God Book, e come fom noda tribe. Ain none ob e tribe neba done de wok ob a priest at de alta.

Hebrew 7:15

Now oona kin ondastan eben mo betta wa A da taak bout. Cause God sen noda priest, an e like Melchizedek.

Hebrew 7:21

Dey ain been no wow fo wen de oda man dem come fa be priest. Bot wen God mek Jedus fa be priest, e mek a wow say, “A de Lawd mek a wow say, ‘Ya gwine be a priest faeba an eba.’ Me wod ain neba gwine change.”

Hebrew 8:7

Ef dat fus cobnant been able fa do wa e need fa do, dey ain oughta been no need fa noda cobnant.

Hebrew 9:6

Atta dey done git de place ready like dat, wid all dem ting een dey place, de priest dem kin go eenside de fus room ebryday, weh dey da do dey wok fa God.