Hebrew 3:8 - De Nyew Testament

⁸ mus dohn hab haad haat ginst God, like oona ole people been hab haad haat wen dey ton ginst God, dat time wen dey mek op dey mind fa test God dey een de desat.

Hebrew 3:8 ပူးပေါင်းရင်းမြစ်များ

Matthew 13:15

Cause dem people git haad haat. Dey done stop op dey yea an cyahn yeh nottin, an dey done shet dey eye. Cause ob dat, dey ain able fa see wid dey eye, dey ain able fa yeh wid dey yea, dey ain able fa ondastan wid dey haat, an dey ain able fa ton ta me fa heal um.’

De Postle Dem 19:9

Bot some dem people been haad head. Dey ain been wahn fa bleebe pon Jedus. An out een de open, een front ob ebrybody, dey shrow slam bout de Way ob de Lawd. So Paul lef um an gone. E tek de Christian bleeba dem wid um. An Paul gone ebry day ta Tyrannus place weh people come togeda fa taak bout diffunt ting.

De Postle Dem 7:36

Den Moses lead de people outta Egypt lan. An God do plenty miracle an sign een Egypt lan an at de Red Sea an een de wildaness lan weh dey beena lib fa foty yeah.

1 Corinth 10:9

We mus dohn try de Lawd, like some ob dem done, an snake bite um an dey dead.