Hebrew 2:8 - De Nyew Testament

⁸ Ya gim chaage oba all ting.” Now den, wen dey write een God Book say, “God mek man fa hab chaage oba all ting,” dat mean fa say, God ain lef nottin dat man ain oughta hab chaage oba. Bot we ain see man hab chaage oba all ting fa now.

Hebrew 2:8 ပူးပေါင်းရင်းမြစ်များ

Matthew 28:18

Den Jedus come op ta um an say, “God done gii me all de tority an powa fa rule een heaben an een dis wol.

John 13:3

Jedus been know dat de Fada been gim all powa fa win out oba ebryting. E been know dat e come fom God an e gwine go back ta God.

John 3:35

God we Fada da lob e Son an e gim chaage oba all ting.

1 Corinth 15:27

Cause dey write een God Book say, “God done pit all ting onda e foot.” Now wen e say “all ting” done been pit onda um, fa sho, dat ain mean God esef been pit onda um, cause God de one wa da pit all ting onda Christ.

Hebrew 1:13

God ain neba tell none ob e angel dem say, “Seddown yah ta me right han side, til A pit ya enemy dem ondaneet ya foot.”

Hebrew 1:2

Bot now wen de end time da come, God taak ta we shru e Son. An shru e Son, God mek de wol, an e pass ebryting ta e Son.

Hebrew 2:5

God ain pick no angel fa hab chaage oba de wol fa come, wa we da taak bout.

1 Peter 3:22

An Jedus gone eenta heaben, an e seddown dey pon God right han side, an e da rule oba angel dem an oba dem wa got tority an powa.

Revelation 1:18

A de one wa da lib! A done been dead, bot look yah, A da lib faeba an eba! A got powa oba det an de grabe.

Revelation 1:5

An A pray dat Jedus Christ, wa we kin trus fa true an wa da tell people wa true all de time, show oona how e good an gii oona peace. Jedus Christ de fus one wa God mek git op fom mongst de dead an lib gin, an all dem wa da rule een dis wol dey onda um. E lob we an e done shed e blood an dead fa sake ob we so dat e set we free fom we sin.