Hebrew 13:1 - De Nyew Testament

¹ Oona mus keep on da lob oona Christian bredren.

Hebrew 13:1 ပူးပေါင်းရင်းမြစ်များ

John 15:17

So den, dis wa A da chaage oona fa do, ‘Oona mus lob one noda.’

De Postle Dem 2:1

Wen de day ob Pentecost come, all de people dat bleebe pon Jedus been geda togeda een one place.

De Postle Dem 4:32

All dem wa bleebe pon Jedus been gree togeda an hab one haat. Nobody dey ain say, “De ting dem A hab, dey me own propaty,” bot all dem beena share wa dey been hab wid one noda.

Galatia 5:13

Me Christian bredren, Christ call oona fa come ta um fa mek oona free. Bot jes cause oona free now, mus dohn tink oona kin leh oonasef do jes wasoneba oona sinful haat wahn fa do. Steada dat, oona mus hep one noda, cause oona lob one noda.

Galatia 5:22

Bot God Sperit da mek people good like a tree da grow good fruit. God Sperit da mek people lob one noda. E da mek um hab joy een dey haat. E da mek um gree wid one noda. E da mek um able fa beah trouble, an e da mek um hep one noda. E da mek um do good ta one noda. An e da mek um able fa do wa e wahn um fa do.

Galatia 5:6

Wen we one wid Jedus Christ, ef we git circumcise or ef we ain git circumcise, dat ain mean nottin tall. Bot de ting wa matta mo den ebryting else, dat we trus een Christ. An people gwine see dis wen dey see how we da show lob ta oda people.

Ephesus 4:3

De Holy Sperit da gii oona de peace wa mek oona all one body een Christ. Oona mus try wid all oona haat fa gree togeda, so dat oona kin all hab peace wid one noda.

Ephesus 5:2

Oona life mus be full op wid lob een all dat oona do, jes like Christ lob we an done gii e life op fa we. E offa op e life as a sweet smellin offrin ta God, a sacrifice wa sattify God.

2 Thessalonica 1:3

We Christian bredren, we mus tell God tankya all de time fa oona. Dat right fa we fa do, cause oona fait een Christ da grow mo an mo scronga, an ebry one ob oona da lob one noda mo an mo too.

Hebrew 10:24

Leh we study how we kin courage one noda fa show lob an do good.

1 Peter 1:22

Now dat oona da do wa de true wod tell oona fa do, dat mek oona stop fa do bad an mek oona lib clean life. An cause ob dat, oona lob oona Christian bredren fa true. So den, mus lob one noda, fa true, wid all oona haat.

1 Peter 2:17

Gii hona ta all people. Lob all oona Christian bredren. Spec an hona God, an gii hona ta de king.

1 Peter 3:8

De las ting A got fa tell oona, oona mus all gree mongst oonasef, wid one haat togeda. Lob one noda like broda an sista. Be kind ta one noda. Mus dohn be proud.

1 Peter 4:8

Bot dis de ting wa ya oughta do mo den all. Lob one noda wid all ya haat, cause de people wa lob one noda, dey all de time ready fa paadon people wen dey do um bad.

2 Peter 1:7

Now pontop ob dat, lob ya Christian bredren an lob all people.

1 John 3:23

Dis wa God chaage we fa do: We fa bleebe pon de name ob e Son Jedus Christ. An we oughta lob one noda, same like Christ chaage we fa do.

1 John 4:20

Ef somebody say e lob God bot e hate e broda, dat one dey ain da taak true. Cause ef somebody ain lob e broda wa e beena see, e ain able fa lob God wa e ain neba see.

Revelation 2:4

Stillyet, one ting dey wa A blame oona fa. Oona lef off da lob me like oona beena lob me at fus.