Hebrew 11:14 - De Nyew Testament

¹⁴ De people wa taak like dat sho fa true dat dey beena look fa a country wa gwine blongst ta um.

Hebrew 11:14 ပူးပေါင်းရင်းမြစ်များ

2 Corinth 4:18

Cause we pit we haat pon dem ting wa we ain da see. We ain pit um pon dem ting wa we da see. De ting dem wa we da see, dey ain las long, bot dem ting wa we ain da see, dey gwine las faeba an eba.

Philippi 1:23

Dey time A wahn fa lib, an dey time A wahn fa dead. Bot A wahn fa true fa stop da lib yah een dis ole wol an go fa lib wid Christ. Dat gwine be faa way mo betta fa me.

Hebrew 11:13

All dem people yah still beena lib een de way ob fait wen dey dead. Fo dey done dead, dey ain git dem ting dat God promise um. Bot dey beena see fom faaway wa God been gwine gim, an dey been heppy fa wa God promise um. Dey know an tell de people, say dey scranja an come-yah people een dis wol.

Hebrew 11:15

Fa sho, dey ain beena tink bout de country dat dey come fom. Cause ef dey beena tink bout dat place, dey been gwine git de chance fa go back dey.

Hebrew 11:16

Stead ob dat, dey been wahn a country dat mo betta den weh dey come fom. Dey been wahn a country dey een heaben. So God ain shame ob um, wen dey call um dey own God, cause e done been mek a city ready fa um.

Hebrew 13:14

Cause yah een dis wol we ain got no city wa gwine las. We da look fa de city weh we gwine lib bye an bye.