Hebrew 10:38 - De Nyew Testament

³⁸ Bot de one wa da waak scraight, de one wa blongst ta me e gwine lib cause e da trus me. Bot ef e ton back an stop fa trus me, A ain gwine be heppy wid um, none tall.”

Hebrew 10:38 ပူးပေါင်းရင်းမြစ်များ

Matthew 12:18

“Dis yah me saabant wa A done pick fa do me wok. A lob um an A sho please wid um. A gwine pit me Sperit eenside um, an e gwine tell all people God gwine sabe um.

Matthew 13:21

Bot dey ain got no root. De wod ain down deep een dey haat fa true, so dem people bleebe jes a leetle wile. Cause dey beena bleebe de wod, dey git trouble an people mek um suffa. So den dey lef tareckly.

Rome 1:17

Cause de Good Nyews da show we how God da mek all ting right tween people an esef, ef dey bleebe. God da mek um right cause ob dey fait, fom de fus ta de las. Jes like God Book say, “De one wa God mek right wid esef cause e bleebe pon God, dat one gwine hab life.”

Galatia 3:11

Now den, ebrybody kin see dat God ain mek nottin right twix esef an a poson jes cause dat one da do wa de Law say e haffa do. Cause God Book tell we say, “Wen somebody trus een God, God mek ebryting right twix esef an dat one, an dat gwine mek dat poson lib de true life.”

1 Thessalonica 2:15

Dem people, de Jew people yah, dey done kill de Lawd Jedus an de prophet dem too. An dey beena mek we suffa, da mek we go way fom dey. Dey mek God bex wid um tommuch! Dey de enemy ta all people.

Hebrew 10:39

Bot we ain people wa ton back an den git stroy. We people wa trus God, so dat e sabe we.

James 5:6

Oona done condemn an kill people wa ain done nottin wrong, an ain fight ginst oona.

1 John 2:19

Dem enemy dey ain been we own people. Dat wa mek um lef we. Cause ef dey been we own people, dey been fa stay dey yah wid we. Bot dey done lef we so dat all people gwine know, none ob um been we own people.