Ephesus 6:24 - De Nyew Testament

²⁴ An A pray dat God bless all dem wa lob we Lawd Jedus Christ wid lob wa ain neba gwine end.

Ephesus 6:24 ပူးပေါင်းရင်းမြစ်များ

Matthew 22:37

Jedus say, “ ‘Ya mus lob de Lawd ya God wid all ya haat, an wid all ya soul, an wid all ya mind.’

Matthew 28:20

Oona mus laan um fa do all wa A done chaage oona fa do. An fa sho, A gwine be dey wid oona all de time til de time end.”

Matthew 6:13

Leh we dohn hab haad test wen Satan try we. Keep we fom ebil.’

Rome 2:7

Some people da do good ting all de time. Dey wahn fa hab God gim praise an hona an life wa go on faeba. An God gwine gim dat life wa ain neba gwine end.

2 Corinth 13:14

A pray dat we Lawd Jedus Christ bless all ob oona, an dat oona gwine know how God da lob oona, an dat oona jine han wid one noda jes like de Holy Sperit mek oona able fa do.

2 Corinth 8:12

Ef somebody wahn fa gii, God gwine be sattify coddin ta wa dat poson got, an not coddin ta wa e ain got.

2 Corinth 8:8

A ain da chaage oona dat oona haffa do um. Bot wen A da tell oona how oda people wahn fa hep fa do dis wok, A da try fa find out dat de lob dat oona got da come fa true fom oona haat.

Ephesus 6:23

A pray dat God we Fada an de Lawd Jedus Christ gii peace ta all de Christian bredren, an dat dey fait een Jedus Christ mek um all lob one noda.

Philippi 1:1

We, Paul an Timothy, wa da saab Jedus Christ, da write ta all God people dem een Philippi wa come fa be one wid Jedus Christ, an ta de choch leada dem, an ta dem wa da hep een de choch wok.

Colosse 4:18

Wid me own han, A da write dis paat: A, Paul, da tell oona hey. Oona mus dohn fagit dat A dey yah een de jailhouse een chain! A pray dat God bless oona.

2 Timothy 4:22

A pray dat de Lawd Jedus Christ be dey wid ya sperit. God bless all ob oona.

Titus 2:7

Ya mus do wa good all de time, een all ya da do, so dat oda people gwine shim an folla fa do good too. An wen ya da teach, ya mus show dem ya bleebe wa ya say wid all ya haat, an ya da mind wa ya say.

Titus 3:15

All de people yah da say hey ta ya. An tell all we Christian fren dem hey. God bless all ob oona.

Hebrew 13:25

A pray dat God gwine bless all ob oona. Amen.