Ephesus 5:20 - De Nyew Testament

²⁰ Oona mus tell we Fada God tankya all de time fa all ting, een de name ob we Lawd Jedus Christ.

Ephesus 5:20 ပူးပေါင်းရင်းမြစ်များ

John 15:16

Oona ain pick me. A de One wa done pick oona, fa go an beah a heapa fruit, fruit wa gwine las. Den de Fada gwine gii oona wasoneba oona aks um fa, ef oona tek me name wen oona aks.

De Postle Dem 5:41

De postle dem come out fom de Council an dey beena rejaice fa true, cause dey been good nuff fa suffa an git punish fa Jedus sake.

Rome 1:8

Fus off, A tank me God shru Jedus Christ fa all ob oona, cause people all oba de wol da yeh say oona trus een Jedus Christ.

1 Corinth 1:4

A da tell me God tankya all de time fa e blessin pon oona wen oona come fa be one wid Jedus Christ,

1 Corinth 15:24

Den de end gwine come. Christ gwine win out oba all dem wa da rule an all dem wa hab tority an powa. Den Christ gwine han oba all e da rule ta God so dat God e Fada gwine be King oba all.

Ephesus 5:4

An e ain right fa oona taak bad, foolish, or dorty wod. Steada dat, oona oughta tell God tankya.

Philippi 1:3

Ebry time A da tink ob oona, A da say tankya ta God fa oona.

Philippi 4:6

Mus dohn leh nottin warry oona. Steada dat, pray ta God bout all ting. Wen ya da pray, aks um fa wa ya need, an tell um tankya.

Colosse 3:17

Ebryting ya da do an say, ya oughta do an say all ob um een de name ob de Lawd Jedus, da tell we Fada God tankya shru Christ.

1 Thessalonica 3:9

Neba we kin tell God tankya nuff fa oona, fa all de joy een we haat wa God da gii we cause ob oona.

1 Thessalonica 5:18

Ain mek no nebamind wa happen, oona mus tell God tankya fa ebryting. Cause dat how God wahn oona fa lib, oona wa done come fa be one een Jedus Christ.

2 Thessalonica 1:3

We Christian bredren, we mus tell God tankya all de time fa oona. Dat right fa we fa do, cause oona fait een Christ da grow mo an mo scronga, an ebry one ob oona da lob one noda mo an mo too.

2 Thessalonica 2:13

We Christian bredren, oona wa de Lawd lob, we mus tell God tankya fa oona all de time. Cause fom de fus, God done pick oona fa sabe oona by de powa ob de Holy Sperit fa mek oona come fa be God own holy people, an fa sabe oona by oona fait een de trute.

Hebrew 13:15

So den, shru Jedus leh we praise God all de time. Wen we da praise God shru Jedus, we da offa op a sacrifice ta God. Dat we offrin wa we bring ta God wen we da praise um, wa say we blongst ta Jedus.

1 Peter 2:5

Oona stan like stone wa da lib too. Come an leh God tek oona fa build e house, weh e Sperit da lib. Een e house, oona gwine be priest dem wa blongst ta God, da offa op ta God de sacrifice wa God Sperit tell oona fa offa op. An dat mek God sattify, cause ob wa Jedus Christ done.

1 Peter 4:11

Ef God call ya fa taak ta de people, mus taak like God da taak da tell people shru ya. An ef God call ya fa hep people, mus do dat wok dey wid de scrent wa God gii ya. So den, een all de ting ya da do, God gwine git de glory cause ya da waak wid Jedus Christ, wa got glory an powa fa rule faeba an eba. Amen.