Ephesus 4:9 - De Nyew Testament

⁹ Wa dat dey mean wen dey say, “E gone op”? Dat mean fa say, fo e gone op, e done been come down ta de mos deep place ob de eart.

Ephesus 4:9 ပူးပေါင်းရင်းမြစ်များ

Matthew 12:40

Jes like de prophet Jonah been shree day an shree night een de big fish belly, same way so de Man wa Come fom God gwine be dey shree day an shree night een de groun.

John 20:17

Jedus tell um say, “Mus dohn hole on ta me, cause A ain gone back op yet ta de Fada. Bot go ta me bredren an tell um fa me say, ‘A da gwine back op ta me Fada, wa oona Fada too. E me God an e oona God too.’ ”

John 3:13

Dey ain nobody neba gone op ta heaben cep de Man wa Come fom God, wa come down outta heaben.

John 6:33

Cause de bread wa God da gii, dat de one wa da come down fom heaben an da gii people een de wol de true life.”

John 6:38

Cause A come down fom heaben fa do wa de one wa sen me wahn me fa do. A ain come down fom heaben fa do wa A wahn.

John 6:41

Den de Jew dem staat fa aagy ginst um, cause Jedus say, “A de bread wa come down fom heaben.”

John 6:51

A de bread wa da gii life, wa come down fom heaben. Ebrybody wa da nyam dis bread, dat one gwine git true life wa ain neba gwine end. Dis bread wa A gwine gii, dat me body wa A gwine gii fa be a sacrifice so dat all people een de wol kin git true life.”

John 6:58

Dis de bread wa come down fom heaben. E ain like dat bread we ole people beena nyam wen dey been dey een de wildaness. Atta wile, dey done dead. Bot de one wa nyam dis bread yah, e gwine git life wa ain neba gwine end.”

John 6:62

Well den, wa gwine happen ef oona see de Man wa Come fom God da go back op ta de place weh e come fom?

John 8:14

Jedus ansa um say, “Ain nobody yah fa stan fa me. Bot A da taak true, cause A know weh A come fom an weh A da gwine. Oona ain know weh A come fom an oona ain know weh A da gwine.

Hebrew 2:7

Ya mek man jes a leetle mo lowa down den de angel dem. An ya gim powa an hona fa true.

Hebrew 2:9

Bot we see Jedus. Fa a leetle wile God mek Jedus a leetle mo lowa den de angel dem, so dat cause ob God mussy pon we, Jedus suffa an dead fa sake ob all people. An cause Jedus suffa an dead, God gim powa an hona.