Ephesus 3:6 - De Nyew Testament

⁶ Dis yah de secret wa God ain been show: Wen dem people wa ain Jew bleebe de Good Nyews jes like de Jew people bleebe, God gim all de same good ting. Dey all togeda come fa blongst ta one body. An Jedus Christ mek um all git wa God been promise um.

Ephesus 3:6 ပူးပေါင်းရင်းမြစ်များ

1 Corinth 12:12

Same way a body hab all kinda paat, an all dem ting paat ob de same body, e de same say so wid Christ.

1 Corinth 12:27

Now den, oona mek op Christ body. Ebry one ob oona a paat ob dat body.

Galatia 3:14

Jedus Christ mek we free so dat cause ob wa e done do, de people dat ain Jew gwine git de blessin jes like e promise Abraham, so dat we gwine git God Sperit wa e promise cause we trus een God.

Galatia 5:24

Dem people wa blongst ta Jedus Christ ain leh dey own sinful haat rule oba um no mo. Dey done dead ta deysef like somebody wa dead pon a cross. Dey ain do all dem bad ting no mo, dem ting wa dey own sinful haat wahn um fa do.

Ephesus 3:3

God done show me e plan wa people ain been know. (A been write oona a leetle bit bout dat.

Ephesus 5:30

Cause we all blongst ta Christ body.

Ephesus 5:7

Oona mus dohn hab nottin fa do wid dem kind ob people yah.

Colosse 2:19

People like dem, dey ain one wid Christ. Fa true, Christ de one wa da trol all de body. E da feed um fa mek um grow. E mek all de diffunt paat dem jine ta one noda an fasten togeda good. An so den de body, Christ choch, da grow jes like God mek um grow.

1 John 1:3

We da tell oona wa we beena see an yeh so dat oona kin come fa be one wid we. An fa true, we come fa be one wid de Fada an e Son, Jedus Christ.

1 John 2:25

An we hab life wa ain gwine neba end, de ting wa Christ say e gwine gii we.