De Postle Dem 5:2 - De Nyew Testament

² Ananias keep some ob de money fa esef, an e wife know e done done dat. Den Ananias tek de oda res ob de money an go gim ta de postle dem.

De Postle Dem 5:2 ပူးပေါင်းရင်းမြစ်များ

Matthew 23:5

Wasoneba dey da do, dey do um jes fa leh all de people shim. Dey da tie lezza case pon dey han an de front ob dey head wid diffunt wod fom God Book eenside um. Bot dem Pharisee an Law teacha mek dey case big so dat all de people kin shim. Same way so, dey got long tassle pon de bottom paat ob dey cloes.

John 12:6

Judas ain say dat cause e been wahn fa hep de people wa ain got nottin. E say dat cause e been a tief. E beena keep de money bag fa Jedus an e ciple dem, bot e beena tief some dat money fa esef.

De Postle Dem 2:44

All de people dat bleebe pon Jedus been togeda. An all dem beena bring wa dey hab fa share um.

De Postle Dem 4:37

E sell e fiel an e bring de money an gim ta de postle dem.

De Postle Dem 5:1

Now den, one man been dey name Ananias an e wife name Sapphira. Dey sell some lan, too.

De Postle Dem 5:3

Peter aks Ananias say, “Ananias, hoccome ya gree fa leh Satan go eenside ya, an tek oba ya haat an mek ya lie ta de Holy Sperit? Ya done keep some ob de money wa dey pay ya fa de lan!

De Postle Dem 5:8

Peter aks um say, “Tell me, dis all de money wa dey pay ya an ya husban fa de lan wa oona sell?” Sapphira ansa say, “Yeah, sah, dat all de money.”

Philippi 2:3

Mus dohn do nottin jes cause oona wahn fa pit oonasef head ob oda people. Mus dohn do nottin jes cause oona wahn people fa praise oona. Mus dohn hab de big head. Stead ob dat, ebry one ob oona oughta treat de oda people mo betta den esef.

1 Timothy 6:10

Cause de lob ob money da mek a poson do all kinda ebil ting. Some people, cause dey wahn money bad, done stop trus een God, an dey haat git broke.