2 Timothy 4:21 - De Nyew Testament

²¹ Try haad as ya kin fa come fa see me fo de wintatime. Eubulus, Pudens, Linus, an Claudia wid all de oda Christian bredren, dey all say hey ta ya.

2 Timothy 4:21 ပူးပေါင်းရင်းမြစ်များ

Luke 12:58

Ef anybody aagy wid one ob oona an e da tek ya ta court, ya mus try fa settle wid um fo ya git dey. Cause ef ya ain able fa settle wid um, e gwine drag ya ta de jedge. An de jedge gwine gii ya ta de police, an e gwine tek ya ta de jailhouse.

1 Corinth 16:20

An all de Christian bredren yah say hey. Tell one noda hey een de name ob de Lawd.

2 Corinth 13:13

All God people yah tell oona hey.

Philippi 4:22

An all God people yah, specially dem wa da wok een de house ob Caesar, dey da say hey ta oona.

2 Timothy 1:4

A memba how ya beena cry, an A wahn fa see ya too bad, so dat me haat kin be full op wid joy.

2 Timothy 4:13

Wen ya come, bring me coat wa A lef wid Carpus dey een Troas, an bring de book dem, specially dem book wa been mek ob sheep skin.

2 Timothy 4:9

Try haad as ya kin fa come see me soon.

Titus 3:12

Soon as A sen Artemas or Tychicus ta ya, try ya bes fa come soon fa meet me ta Nicopolis. Cause A done mek op me mind fa stay dey wen winta come.

2 John 1:13

De chullun ob ya sista wa God done pick, dey tell oona hey.

3 John 1:14

A hope fa come ta oona an see oona soon, an we gwine taak face ta face.