2 Timothy 4:11 - De Nyew Testament

¹¹ Jes Luke wid me yah. Git Mark fa come long wid ya wen ya come, cause e kin hep me fa do de wok yah.

2 Timothy 4:11 ပူးပေါင်းရင်းမြစ်များ

Matthew 19:30

Bot plenty wa fus now, dey gwine be las, an plenty dem wa las now, dey gwine be fus.

Matthew 20:16

An Jedus tell um say, “So den, dem wa las gwine be fus, an dem wa fus gwine be las.”

Luke 13:30

Den fa true some dem wa las now, dey gwine be fus, an some dem wa fus now, dey gwine be las.”

De Postle Dem 12:12

Wen Peter ondastan dat e outta de jailhouse fa true, e gone ta Mary house. Dis Mary yah de modda ob John Mark. Heapa people been geda togeda een de house dey, da pray.

De Postle Dem 12:25

Barnabas an Saul done de wok dat God gim fa do. Den dey gone back fom Jerusalem ta Antioch, an dey tek John Mark wid um.

De Postle Dem 15:37

Barnabas been wahn fa tek John, wa dey call Mark, wid um.

De Postle Dem 15:39

Paul an Barnabas beena aagy tommuch bout dat, til dey cide fa lef one noda. Barnabas gone wid Mark an ketch a boat an sail ta Cyprus.

De Postle Dem 16:10

Soon as God show Paul dat man een de wision, we git ready fa go ta Macedonia, cause we know den dat de Lawd been call we fa tell de people dey de Good Nyews.

Colosse 4:10

Aristarchus, wa dey yah een de jailhouse wid me, an Mark, de cousin ob Barnabas, dey tell oona hey. A done tell oona bout Mark, dat ef e come ta oona, gim hearty welcome.

Colosse 4:14

We deah fren Luke, de docta, an Demas, dey tell oona hey.

2 Timothy 1:15

Ya know dat all dem een Asia done ton way fom me an gone. Phygelus an Hermogenes done gone too.

2 Timothy 2:21

So ef somebody stay way fom do dem ting wa ain right, e gwine be like one ob dem fine gole dish. God gwine nyuse um fa do special wok, cause dat one done gii e Lawd all e life. E da do all de wok e Lawd gim fa do, an e ready fa do all kind ob good wok.

Philemon 1:24

Mark, Aristarchus, Demas an Luke, wa all da wok togeda longside me, dey tell oona hey too.

1 Peter 5:13

De choch wa dey een Babylon, wa God done pick same like e pick oona, dey da tell oona hey. An Mark, me son een de Lawd, da tell oona hey, too.