2 Timothy 2:13 - De Nyew Testament

¹³ Ef we ain faitful, stillyet e gwine be faitful ta we. Cause fa true e ain gwine change wa e da, needa wa e promise we.”

2 Timothy 2:13 ပူးပေါင်းရင်းမြစ်များ

Matthew 24:35

De eliment an de wol esef ain gwine las faeba, bot me wod gwine las faeba an eba.

Rome 3:3

Some dem Jew ain do wa God wahn um fa do, ainty? Dat ain mean dat cause ob dat, God ain gwine keep ta e wod.

Rome 9:6

A ain da tell oona dat God ain do wa e been promise fa do. Fa sho, God do wa e promise, cause ain all de people dem wa bon eenta Israel fambly blongst ta de true Israel people dem wa God pick.

1 Corinth 1:9

Oona kin trus God fa do all wa e promise. E done call oona fa folla longside e Son, we Lawd Jedus Christ.

1 Thessalonica 5:24

God wa call oona fa be e own gwine do dat fa oona, cause e da do all dat e promise.

2 Thessalonica 3:3

Bot de Lawd, e faitful. E gwine mek oona mo scronga an keep oona safe fom de ebil one.

Titus 1:2

An cause ob dat, dey kin look fowaad fa sho ta dey life wa gwine las faeba an eba. God ain neba tell no lie, an e done promise fa gii we dat life wa ain gwine neba end.

Hebrew 6:18

God done dat, so dat dem two ting yah, wa God promise an wa e mek a wow bout, fa true dem two ting cyahn neba change, cause God cyahn lie. Now den, dem two ting da courage we fa true, so dat we wa gone ta God fa stay safe, we gwine pit all we haat pon wa God gwine gii we bye an bye.