2 Timothy 2:11 - De Nyew Testament

¹¹ Fa true ya kin trus um wen dey say: “Ef we done dead wid Christ, we gwine lib wid um too.

2 Timothy 2:11 ပူးပေါင်းရင်းမြစ်များ

John 14:19

Soon, de people een de wol ain gwine see me no mo, bot oona gwine see me. An cause A hab de true life, oona gwine hab de true life too.

Rome 6:5

Cause jes like we come fa be one wid Jedus Christ wen we been dead like e been dead, same way so, we gwine be one wid um wen God mek we git nyew life jes like e gii Christ nyew life wen e mek um git op fom mongst de dead people.

Rome 6:8

Ef we dead wid Christ, we bleebe dat we gwine lib wid um too.

2 Corinth 13:4

E ain show e powa wen dey kill um pon de cross. Stillyet, God powa mek um lib gin. Same fashion, we wa one wid Christ ain got no powa, bot wiles we da wok wid oona, we gwine lib wid Christ an hab powa wa God da gii we.

2 Corinth 4:10

De det ob Jedus dey een we body all de time, so dat people kin see e life too een we body all de time.

1 Thessalonica 4:17

Atta dat, all ob a sudden, we wa ain dead yet an wa been lef yah, we gwine be geda op een de cloud dem, long wid dem wa done dead. An we all gwine go op togeda fa meet de Lawd een de sky. An so we gwine be wid de Lawd faeba.

1 Thessalonica 5:10

Cause Jedus done dead fa we sake, so dat we kin go lib togeda wid um. Ain mek no nebamind weza we done dead, needaso ef we ain dead yet, wen e come back.

1 Timothy 1:15

See yah, dis wod true fa sho, wa A gwine tell ya, an all people oughta bleebe wa dat say: Jedus Christ come eenta de wol fa sabe sinna dem. An A de one wa sin mo den all de oda res.

1 Timothy 3:1

People taak true wen dey say, ef a man set e mind fa be a choch leada, dat a good ting dat e wahn fa do.

Titus 3:8

Dis a true teachin dat A da write ya. A wahn ya fa mek sho dat ya teach dem ting yah good, so dat dem wa trus een God gwine consaan deysef wid do good deed all de time. Cause dat ting good fa true an dey gwine hep people.