2 Timothy 1:4 - De Nyew Testament

⁴ A memba how ya beena cry, an A wahn fa see ya too bad, so dat me haat kin be full op wid joy.

2 Timothy 1:4 ပူးပေါင်းရင်းမြစ်များ

John 16:22

Same fashion, oona burden down now. Bot de time da come wen A gwine see oona gin, an dat gwine mek oona rejaice fa true. An ain nobody gwine be able fa tek dat joy way fom oona.

John 16:24

Til now, oona ain aks God fa nottin een me name. Aks God an e gwine gii oona wa oona aks fa. Den oona haat gwine be full op wid joy.

De Postle Dem 20:19

Oona know A ain neba brag, bot A tek low wiles A beena wok, da saab de Lawd. Plenty time A beena cry. A been hab haad bone fa chew an bitta pill fa swalla, cause de Jew dem build scruction ebryweh A ton.

De Postle Dem 20:31

So den, oona mus watch out fa dem people dat lie like dat. Oona haffa memba how fa shree whole yeah A ain neba stop fa waan ebry one ob oona. A beena tell oona wa God say, day an night, wid de eyewata da ron down me face.

Rome 1:11

Cause A wahn fa see oona too bad, fa share wid oona some ob de blessin dem wa de Holy Sperit da gii, so dat oona gwine bleebe pon Christ mo an mo.

Philippi 1:8

God know hommuch A wahn fa see oona. A da lob oona wid all me haat jes like Jedus Christ da lob we.

Philippi 2:26

Epaphroditus wahn fa see all ob oona too bad. E opsot cause oona yeh say e been sick.

1 Thessalonica 2:17

We bredren, fa all ob de shot time since we been haffa lef oona, we beena miss oona fa true. Bot we da tink bout oona all de time. E jes dat we body ain dey wid oona. An so we beena try too haad fa come see oona.

2 Timothy 4:21

Try haad as ya kin fa come fa see me fo de wintatime. Eubulus, Pudens, Linus, an Claudia wid all de oda Christian bredren, dey all say hey ta ya.

2 Timothy 4:9

Try haad as ya kin fa come see me soon.

1 John 1:4

We da write dis ta oona fa mek oona full op wid joy.

Revelation 21:4

E gwine wipe ebry teah outta dey eye. Dey ain neba gwine cry no mo. Dey ain neba gwine dead no mo, an ain nobody neba gwine git hebby haat. Dey ain neba gwine suffa no pain. Cause dem ole ting wa been dey fus done pass way.”

Revelation 7:17

Cause de Lamb wa stanop een de middle ob de shrone esef gwine tek cyah ob um jes like a shephud mind e sheep. E gwine tek um ta de place weh de wata wa da gii life dey, weh e da buss outta de groun. An God gwine wipe ebry teah fom outta dey eye. Dey ain neba gwine cry no mo.”