2 Thessalonica 3:9 - De Nyew Testament

⁹ Dat ain fa say we ain got no right fa tell oona fa gii we food an a place fa sleep. Bot we beena do all dat wok dey an ain aks oona fa nottin, cause we been wahn fa show oona how fa do same way we done.

2 Thessalonica 3:9 ပူးပေါင်းရင်းမြစ်များ

Matthew 10:10

Mus dohn cyaa no grip long wid oona fa de trip, needa no cloes fa change, needa no spare pair ob sandal, not eben no stick fa waak. Cause de people dem wa oona gwine wok fa, dey haffa gii oona wa oona need.

John 13:15

A done do dat fa show oona wa oona oughta do, so dat oona gwine do de same ting.

1 Corinth 4:16

So den, A da beg oona fa waak wid Christ jes like A da waak wid um.

Galatia 6:6

De one dat dey da laan God wod ta, e oughta gii some ob all de good ting dem e hab ta e teacha wa da laan um.

1 Thessalonica 2:6

We ain beena try fa mek oona praise we, needa no oda people. We Christ postle, so we got de right fa aks oona fa do ting fa we. Bot we ain aks oona fa nottin.

2 Thessalonica 3:7

Oonasef know fa true dat ya oughta do jes like we beena do. We ain been lazy none tall wen we been dey wid oona.

1 Peter 2:21

God call oona fa do dat. Cause Christ too done suffa fa oona an show ya dat ya fa folla um an do jes like e beena do.

1 Peter 5:3

Mus dohn treat dem people like slabe wa God done gii ya fa tek cyah ob. Steada dat, ya oughta do good sommuch til de people deysef wahn fa be jes like oona.