2 Thessalonica 3:16 - De Nyew Testament

¹⁶ We pray dat de Lawd esef, wa da mek we hab peaceable haat, gii oona peace all de time een all ting. We da pray dat de Lawd gwine be dey wid all ob oona.

2 Thessalonica 3:16 ပူးပေါင်းရင်းမြစ်များ

Matthew 1:23

“One nyoung ooman dat ain neba know no man, e gwine be wid chile. E gwine hab son, an dey gwine call de chile Emmanuel.” (Dat mean fa say, God right yah wid we.)

Matthew 28:20

Oona mus laan um fa do all wa A done chaage oona fa do. An fa sho, A gwine be dey wid oona all de time til de time end.”

Luke 2:14

“Leh we gii glory ta God een de mos high heaben. Leh dey be peace ta dem een de wol wa hab God fabor!”

John 14:27

“Now dat A da gwine way fom yah, A da gii oona peace een oona haat. Me own peace A da gii oona. A ain da gii oona de kind ob peace dat de people an de ting een dis wol yah da gii. Oona mus dohn leh oona haat be hebby bout nottin. Mus dohn be scaid.

John 16:33

A done tell oona all dem ting yah so dat oona wa come fa be one wid me kin hab peace een oona haat. Een dis wol oona gwine hab trouble pon ebry han, bot mus dohn be scaid! A done win out oba de wol!”

Rome 1:7

So A da write ta all ob oona een Rome, oona wa God lob an wa e call fa be e own people. A da pray dat God we Fada an de Lawd Jedus Christ bless oona an gii oona peace een oona haat.

Rome 15:33

A pray dat God, wa da gii we peace, gwine be wid all ob oona! Amen.

Rome 16:20

An purty soon, God wa da gii we peace, gwine stroy Satan powa an pit um onda ya foot. De blessin ob we Lawd Jedus Christ be pon oona.

1 Corinth 14:33

Cause God ain wahn fa hab we mix op. E wahn fa hab ebryting go good an peaceable. Same like een all de choch dem ob God people,

2 Corinth 13:11

Las ob all, me bredren, goodbye! Try fa grow mo an mo een oona waak wid Christ. Mus pay tention ta wa A da tell oona. Oona mus gree wid one noda an lib peaceable. An God wa da lob we an da gii we peace, e gwine be dey wid oona.

Ephesus 6:23

A pray dat God we Fada an de Lawd Jedus Christ gii peace ta all de Christian bredren, an dat dey fait een Jedus Christ mek um all lob one noda.

1 Thessalonica 3:11

We da pray dat God we Fada an we Lawd Jedus Christ gwine open op de way fa we fa come ta oona.

1 Thessalonica 5:23

We da pray dat de God wa da gii we peace gwine mek oona like esef, holy an good een ebry way. An we pray dat e gwine keep oona sperit, soul an body clean fom sin so dat wen we Lawd Jedus Christ come back, e ain gwine find no fault een oona.

2 Thessalonica 3:18

We pray dat we Lawd Jedus Christ bless all ob oona.

2 Timothy 4:22

A pray dat de Lawd Jedus Christ be dey wid ya sperit. God bless all ob oona.

Philemon 1:25

A pray dat de Lawd Jedus Christ gwine bless all ob oona.

Hebrew 13:20

De God ob peace done mek we Lawd Jedus git op fom mongst de dead an lib gin. Fa true, Jedus de head shephud ob de sheep cause e done dead fa we an e blood done mek sho dat de cobnant, wa God mek wid we, gwine las faeba.

Hebrew 7:2

Abraham wide op all e tek een de waa eenta ten paat, an e gii Melchizedek one paat. Een de fus place, Melchizedek name mean, “King wa da do right.” An den dey call um “King wa da bring peace,” cause Salem, de city weh e beena rule, mean “peace.”