2 Corinth 6:13 - De Nyew Testament

¹³ So A da taak ta oona now jes like oona me chullun. Open op ya haat ta we, like we own haat open ta oona!

2 Corinth 6:13 ပူးပေါင်းရင်းမြစ်များ

Mark 11:24

So den, A da tell oona say, wen ya aks God fa sompin, mus bleebe fa true dat ya gwine git um, an God gwine gim ta ya.

Galatia 4:12

Me Christian bredren, A da beg oona, be like me, cause A come fa be like oona. Oona ain done me no bad ting.

Galatia 4:19

Me deah chullun, A da feel pain fa oona sake. An dis pain dat A feel, e jes like de pain dat a ooman feel wen e chile wahn fa bon. A gwine feel dis pain yah til oona come fa lib like people wa hab Christ een um fa true.

1 Thessalonica 2:11

Oona know we beena treat all ob oona jes like a fada treat e own chullun. We beena courage oona. Wid all we haat we waan oona an beg oona.

1 John 2:1

Me deah chullun, A da write dis ta oona so dat oona ain gwine sin. Bot ef somebody sin, we got Jedus Christ wa ain hab no sin, fa taak ta de Fada fa we.

1 John 3:18

Me chullun, we mus dohn show we lob jes by de way we da taak, by wa we say. We haffa do dem ting wa da show dat we lob fa true.

1 John 3:7

Me deah chullun, mus dohn leh nobody git oona fa stop folla de true way. De one wa da lib fa do de right ting, dat de one wa right een God eye, jes like Christ right.

3 John 1:4

Ain nottin mek me mo heppy den fa yeh say me chullun da waak een de true way.