2 Corinth 4:11 - De Nyew Testament

¹¹ Cause wiles we da lib een dis life, all de time we da stan een de patway ob det fa sake ob Jedus, so dat people kin see e life een we body.

2 Corinth 4:11 ပူးပေါင်းရင်းမြစ်များ

Rome 8:11

De Sperit ob God wa mek Jedus git op fom mongst de dead an lib gin, e da lib dey eenside ya. So den, God wa mek Jedus Christ git op an lib gin, e gwine mek ya body, wa gwine dead, git op an lib gin too. God Sperit wa da lib dey eenside ya, e gwine do dat.

Rome 8:36

Like David say, “Cause we blongst ta ya, people da try fa kill we all de time. Dey da treat we jes like sheep wa dey haffa kill.”

1 Corinth 15:31

Me Christian bredren, ebry day A da look det een de eye! A da tell oona dis fa true, cause ob me praise ta God fa oona een Jedus Christ we Lawd.

1 Corinth 15:49

We beena hab body wa like de body ob de man wa God done mek fom de dort ob dis wol. Same way so, we gwine be like de man wa come fom heaben.

2 Corinth 4:10

De det ob Jedus dey een we body all de time, so dat people kin see e life too een we body all de time.

2 Corinth 4:12

So den, we da stan een de patway ob det all de time, bot oona dey een de patway ob life wa ain neba gwine end.

2 Corinth 5:4

Wiles we still da lib yah eenside dis tent, we da groan wid we hebby burden we da tote. Dat ain fa say dat we wahn fa come outta we body dat we got een dis wol. Bot we wahn God fa pit we house fom heaben pon we, so dat life wa gwine las faeba gwine swalla op we body yah wa gwine dead.

2 Corinth 6:9

People know we ebryweh, stillyet, sometime e like nobody know we. We been good as dead, bot stillyet, ya kin see we da lib. People mek we suffa, stillyet dey ain kill we.