2 Corinth 3:4 - De Nyew Testament

⁴ We da say dem ting yah cause we know fa true dat we kin trus God shru Christ.

2 Corinth 3:4 ပူးပေါင်းရင်းမြစ်များ

2 Corinth 2:14

We tell God tankya, cause God mek Christ win out oba de powa ob ebil. An wen we one wid Christ, God all de time da mek we hab we paat wid Christ fa win out oba de powa ob ebil. An God da nyuse we fa spread all oba, wa people oughta know bout Christ, like a sweet smell kin spread all oba.

Ephesus 3:12

Cause we know we trus een Christ an we come fa be one wid um, we free fa come fo God. We ain scaid tall fa come.

Philippi 1:6

So den, A know fa sho dat God wa staat fa do dis good wok yah eenside oona haat, e gwine keep on da do um til e done finish all e been plan, op ta dat day ob Jedus Christ, wen e gwine come back.

1 Thessalonica 1:8

De message bout de Lawd dat oona fus tell people een Macedonia an Achaia ain stop dey. De nyews bout how oona trus een God done spread bout all oba. So dey ain nottin dat we haffa say fa tell people bout um.