2 Corinth 11:18 - De Nyew Testament

¹⁸ Plenty people da brag bout how good dey da, da taak jes een de way ob de wol. So A, too, gwine brag.

2 Corinth 11:18 ပူးပေါင်းရင်းမြစ်များ

1 Corinth 4:10

We fool fa Christ, bot oona got sommuch sense fom Christ, ainty? We ain got no scrent, bot oona scrong fa true, ainty dough? People gii oona hona an pit oona way op high. Bot dey ain gii we no hona tall!

2 Corinth 1:17

Fa sho, wen A plan fa do dat an den me plan change op, A ain been like no poson wa ain serious bout wa e do, ainty? Wen A plan fa do sompin, fa true, A ain tink jes bout mesef, like people ob de wol do. Oona ain tink dat A say “Yeah” one minute an “No” de oda minute, ainty?

2 Corinth 11:12

A gwine still keep on da do wa A da do now, so dat dem oda people wa some call postle, ain gwine git no reason fa brag, say dey da do de same wok jes like we da do.

2 Corinth 12:1

A haffa go on da taak bout de good ting dem A done eben dough A ain got nottin fa gain. Bot now A gwine taak bout de wision dem wa de Lawd show me an ting wa e mek me know.

2 Corinth 12:11

A da taak like a fool, bot oona been mek me do dat. Fa true, oona oughta beena taak good bout me. Cause dem big shot wa call deysef postle ain no mo betta den me, eben dough A ain nobody.

2 Corinth 12:9

De Lawd ansa say, “De blessin wa A da gii ya, dat all wa ya need. Cause wen somebody ain able fa do nottin fa esef, dat de time wen me powa mo greata, een dat poson life.” So A mo heppy fa taak bout wa A cyahn do by mesef, so dat de powa ob Christ kin mek e home een me.

2 Corinth 5:16

So we ain oughta jedge nobody no mo same like people da jedge um. Eben dough we beena jedge Christ like people da jedge oda people, we ain do dat no mo.

1 Peter 1:24

Cause dey write een God Book say, “All people jes like grass, an all wa fine bout um same like dem flowa wa da grow pon de grass. De grass gwine widda, an de dry flowa gwine faddown pon de groun.