2 Corinth 11:17 - De Nyew Testament

¹⁷ Wen A taak like dis now, A ain da say wa de Lawd tell me fa say. A da taak like a fool.

2 Corinth 11:17 ပူးပေါင်းရင်းမြစ်များ

1 Corinth 7:12

Now A say dis ta de oda res ob oona. Dis yah fom me, e ain fom de Lawd. Ef a man wa bleebe hab wife wa ain bleebe pon de Lawd, an de wife gree fa keep on da lib wid um, de man mus dohn worce e wife.

1 Corinth 7:25

Now A say dis yah bout dem wa ain marry yet. God ain gii me no rule bout um, bot A da tell oona wa A jedge fa be right. An God wa show mussy ta me gii me sense, so dat wen A da taak, people kin bleebe wa A tell um.

1 Corinth 7:6

A ain say oona haffa do dis. A jes da tell oona how A tink e good fa do um.

2 Corinth 11:1

A hope oona gwine beah wid me wiles A cut de fool. Kin ya do dat much fa me?

2 Corinth 9:4

Ef oona ain ready an some ob we Christian bredren fom Macedonia come wid me an see dat oona ain got nottin ready yet fa gii, we gwine be too shame an oona gwine be shame mo den we. Cause we been sho dat oona been ready fa hep.