2 Corinth 11:16 - De Nyew Testament

¹⁶ A da tell oona gin dat nobody mus dohn tink dat A a fool. Bot ef dat so oona tink, oona oughta listen ta me jes like e been a fool wa da taak ta oona, so dat A kin still taak a leetle bit bout dem good ting wa mek me too heppy.

2 Corinth 11:16 ပူးပေါင်းရင်းမြစ်များ

2 Corinth 11:1

A hope oona gwine beah wid me wiles A cut de fool. Kin ya do dat much fa me?

2 Corinth 11:19

Oona got sense, an dat mek oona glad fa beah wid fool dem!

2 Corinth 12:1

A haffa go on da taak bout de good ting dem A done eben dough A ain got nottin fa gain. Bot now A gwine taak bout de wision dem wa de Lawd show me an ting wa e mek me know.

2 Corinth 12:11

A da taak like a fool, bot oona been mek me do dat. Fa true, oona oughta beena taak good bout me. Cause dem big shot wa call deysef postle ain no mo betta den me, eben dough A ain nobody.

2 Corinth 12:6

Eben ef A wahn fa taak bout de good A done, A ain gwine be no fool. Cause A been gwine taak wa de trute fa sho. Bot A ain gwine taak bout mesef. Cause A ain wahn fa mek people tink dat A a betta poson den wa dey see me do an wa dey yeh me say.

2 Corinth 5:13

Ef e look like we ain got no sense, den dat fa sake ob God, ainty? Ef oona bleebe we got sense, dat fa sake ob oona.