1 Timothy 6:6 - De Nyew Testament

⁶ Now den, we git good ting fa true wen we da waak God way an we sattify wid wa we got.

1 Timothy 6:6 ပူးပေါင်းရင်းမြစ်များ

Luke 12:15

Den Jedus tell all de people say, “A da tell oona head ob time, mus dohn hab de big eye bout nottin. Cause we true life ain medja by de ting dem we got, eben ef we got a whole heapa ting.”

Luke 3:14

Some sodja dem aks um too, say, “An we, wa we haffa do?” E tell um say, “Mus dohn fight fa tek people money. Needa, mus dohn lie on people fa git money. Mus be sattify wid de pay oona git.”

Rome 8:28

We know dat fa dem wa lob God, God da mek ebryting wok fa we own good. God da do dat fa we wa e done pick fa do wa e been plan.

2 Corinth 4:17

De leetle trouble dem we da suffa fa dis shot time, dey da git we ready fa blessin an hona faeba. An dem blessin an hona gwine be faaway mo den de suffrin we da suffa now.

Philippi 1:21

Fa me own paat, Christ all me life, an ef A dead, A gwine git life wa mo betta den dis life yah.

1 Timothy 4:8

Cause ef somebody da trol e body, dat hep um some. Bot ef e da trol esef fa lib mo an mo fa God, dat good mo den all, een ebry way. Cause dat gwine hep um now een dis life, an een de life fa come too.

1 Timothy 6:8

So den, ef we got food fa nyam an cloes fa weah, we oughta be sattify.

Hebrew 13:5

Stay way fom de lob ob money. Mus be sattify wid wa oona got, cause God say, “A ain neba gwine lef ya. A gwine stay wid ya all de time fa hep ya.”