1 Thessalonica 5:7 - De Nyew Testament

⁷ Cause een de night time people sleep, an een de night time people git dronk.

1 Thessalonica 5:7 ပူးပေါင်းရင်းမြစ်များ

John 2:10

E tell um say, “Ebrybody kin saab de wine wa mo betta fus, an atta de people done drink plenty wine, dat de time dey wen dey kin saab de cheap wine. Bot ya beena keep de wine wa mo betta til now.”

De Postle Dem 2:15

Oona tink dat dese people dronk, bot dey ain dronk. E jes nine o'clock een de maanin!

Rome 13:13

Leh we lib a clean life, like people wa dey een de light ob day. We mus dohn lib loose life. Mus dohn be dronka. Mus dohn lib bad life an do all kind ob ebil ting. Mus dohn fight wid people or git de big eye cause ob wa dey got.

1 Corinth 15:34

Oona oughta git oona sense back. Mus dohn waak een ebil way no mo. Cause some ob oona ain know God. Oona oughta be too shame wen A say dat ta oona.

Ephesus 5:14

Dat wa mek um write say, “Ya wa da sleep, wake op. Git op fom mongst de dead people an lib gin! An Christ gwine gii ya light.”

Ephesus 5:18

Mus dohn be dronka, full op wid wine til oona do bad ting wa gwine dribe oona ta ruint. Steada dat, oona mus lib full op wid de Holy Sperit eenside oona.

2 Peter 2:13

Cause dey beena mek people suffa, dey gwine suffa too an git dey payback. Eben een de day time, dey heppy fa do wasoneba dey feel like wid dey body. Dey da shame an disgrace oona wen oona all nyam togeda, same time dey heppy cause ob de way dey da ceebe oona.