1 Thessalonica 1:9 - De Nyew Testament

⁹ Dem people all da taak bout how oona gii we a haaty welcome wen we come ta oona. Dey da tell we how oona done lef de ebil idol dem wa oona beena saab an oona ton fa woshup God. An now oona da saab de one true God wa da lib.

1 Thessalonica 1:9 ပူးပေါင်းရင်းမြစ်များ

Matthew 16:16

Simon Peter ansa um say, “Ya de Messiah, de Son ob God wa da lib faeba.”

De Postle Dem 14:15

“People, wa mek oona do dis ting yah? We jes people same like oona! We come yah fa bring oona de Good Nyews, fa tell oona say, mus dohn do dem ting yah dat ain wot nottin. Oona mus ton ta de God wa hab life dat ain neba gwine end. Dis God done mek de heaben an de wol an de sea, an ebryting een um.

Rome 9:26

An een dat same place weh God tell um say, ‘Oona ain me own people,’ een dat same place dey, de God wa da lib gwine call dem e own chullun.”

1 Corinth 12:2

Oona know dat wen oona ain know God yet, oona git ton way fom de right road an woshup idol wa ain got no life.

1 Thessalonica 2:1

We bredren, oona know dat wen we come fa see oona, dat been a good ting, fa sho.

1 Thessalonica 2:13

An dey noda reason we tell God tankya all de time. Wen we come an tell oona God wod, oona pay mind ta um. An oona ain tek um fa be wod wa people bring, bot oona tek um fa be God wod. E God wod fa true, an dat wod da wok eenside oona haat, oona wa bleebe.

1 Timothy 4:10

An dat mek we wok mo scronga, an we keep on da try haad. Cause we trus fa true een God, wa da lib faeba, de Sabior ob all people, an specially dem wa bleebe.

Hebrew 12:22

Steada dat, oona done come ta Mount Zion. Oona done come ta de city weh God, de one wa da gii life, da lib. Dat “De Jerusalem wa dey een heaben.” A whole heapa angel geda dey.

1 John 5:21

Me deah chullun, mus dohn hab nottin fa do wid no idol.

Revelation 17:2

De king dem ob de wol been lib loose life wid dat ooman yah, an de people ob de wol been dronk wid de wine wa e gim fa drink. Dat de loose life wa dey been lib wid um.”