1 Peter 5:7 - De Nyew Testament

⁷ Lef all dem ting wa da warry ya een God han, cause God da tek cyah ob ya.

1 Peter 5:7 ပူးပေါင်းရင်းမြစ်များ

Matthew 6:27

An fa true, ain nary one ob oona kin lib a bit longa cause e da warry, ainty?

Matthew 6:28

“An hoccome ya da warry bout cloes fa weah? Leh we study bout de lily wa da grow wile. Dey ain wok, needa mek cloes fa deysef.

Matthew 6:31

“So den, ya mus dohn warry none tall say, ‘Weh A gwine git sompin fa nyam?’ or ‘Weh A gwine git sompin fa drink?’ needa say, ‘Weh A gwine git cloes fa weah?’

Mark 4:38

Jedus been een de back paat ob de boat. E beena sleep wid e head pon a pilla. De ciple dem wake um op an aks um say, “Teacha, ya ain mind we gwine dead?”

Luke 12:22

Jedus tell e ciple dem say, “So den, A da tell oona say, mus dohn warry bout how ya gwine lib, wa ya gwine nyam, needa wa cloes ya gwine weah pon ya body.

Luke 12:26

Ef ya ain able fa do leetle ting like dat, hoccome ya da warry bout de oda res?

John 10:13

De poson wa de sheep ain blongst ta, e gwine ron way cause e dey fa git pay fa e wok. So e ain cyah fa true bout no sheep.

Philippi 4:6

Mus dohn leh nottin warry oona. Steada dat, pray ta God bout all ting. Wen ya da pray, aks um fa wa ya need, an tell um tankya.