1 John 5:3 - De Nyew Testament

³ Cause we lob fa God mean dat we do all wa e chaage we fa do. An wa e chaage we fa do ain haad fa we fa beah.

1 John 5:3 ပူးပေါင်းရင်းမြစ်များ

Matthew 23:4

Dey way dey da tapetate de law, dey gii people hebby load fa tote. Bot deysef ain pit eben one finga fa hep um tote dat load.

John 14:15

“Ef oona lob me, oona gwine do wa A tell oona fa do.

John 15:10

Ef ya do wa A chaage oona fa do, ya gwine lib een me lob. Same fashion, A beena do wa me Fada chaage me fa do, an A da lib een de lob ob me Fada.

John 15:14

Oona me fren ef oona do wa A chaage oona fa do.

Rome 7:12

So den, de Law come fom God. E holy. An wa de Law tell we fa do, dat holy, an e right fa we fa do, an e good fa we.

Rome 7:22

Een me haat, A heppy wid de law wa come fom God.

Hebrew 8:10

De Lawd say, “Wen de time come, dis de cobnant A gwine mek wid de people ob Israel. A gwine mek um study pon me law dem an mek um know um fa true een dey haat. A gwine be dey God, an dey gwine be me people.

1 John 2:3

Ef we do wa God chaage we fa do, dat de way we kin ondastan dat we done come fa know God.

2 John 1:6

Lob mean dat we da waak God way, da do wa e tell we fa do. Dis wa oona beena yeh fom wen oona fus bleebe pon Christ: God chaage we say, mus all waak een de way ob lob.