1 John 4:8 - De Nyew Testament

⁸ De one wa ain lob, dat one ain know God. Cause God da lob.

1 John 4:8 ပူးပေါင်းရင်းမြစ်များ

2 Corinth 13:11

Las ob all, me bredren, goodbye! Try fa grow mo an mo een oona waak wid Christ. Mus pay tention ta wa A da tell oona. Oona mus gree wid one noda an lib peaceable. An God wa da lob we an da gii we peace, e gwine be dey wid oona.

Ephesus 2:4

Bot God lob we sommuch. Cause ob dat, e hab a whole heapa mussy pon we.

Hebrew 12:29

Cause we God, e like a fire wa da bun op all ting.

1 John 1:5

Dis de message wa God Son tell we an wa we da tell oona. God de light. Ain no daakness een um, none tall.

1 John 2:4

De one wa da say, “A come fa know God,” bot e ain do wa God tell um fa do, dat one dey da lie. Dey ain no trute een um.

1 John 2:9

De one wa say e da lib een de light, bot stillyet e hate e broda, dat one dey, e still da lib een de daak eben til now.

1 John 3:10

God chullun an de Debil chullun, dey diffunt fom one noda. De one wa da sin ain da do wa right, e ain God own chile. An de one wa ain lob e broda ain God chile needa. Dat de way we know de one wa God own chile, an de one wa blongst ta de Debil.

1 John 3:6

De one wa da lib een Christ ain gwine keep on da sin. An de one wa da sin ain neba know Christ. E ain neba shim.

1 John 4:16

So den, we know an trus een God lob fa we. God, e lob. An de one wa da lob, dat one da lib een God an God da lib dey eenside um.

1 John 4:7

Me deah fren, leh we lob one noda, cause God de one wa pit lob een people haat. De one wa lob, dat one God own chile, an e know God.