1 John 4:16 - De Nyew Testament

¹⁶ So den, we know an trus een God lob fa we. God, e lob. An de one wa da lob, dat one da lib een God an God da lib dey eenside um.

1 John 4:16 ပူးပေါင်းရင်းမြစ်များ

John 6:69

We bleebe, an now we know dat ya de one dat God sen ta we.”

John 9:3

Jedus ansa say, “De bline wa oona see een dis man eye yah ain got nottin fa do wid e own sin, needa e modda an e fada sin. E bline so dat people kin see de wok wa God gwine do een e life.

1 Corinth 2:9

Bot like dey write een God Book say, “Wa nobody ain neba see, wa nobody ain neba yeh, wa nobody ain neba study e head bout, dat de ting fa true dat God been git ready fa dem wa lob um.”

1 John 3:1

Look yah! We oughta study pon how de Fada da bless we wid e lob! E da lob we sommuch dat e call we e own chullun, an we e chullun fa true. People ob de wol ain been know who God da, an cause ob dat, dey ain know we.

1 John 3:16

Now den, dis mek we ondastan wa lob mean: Christ done gii e life fa we sake. Same fashion, we too oughta gii we life fa sake ob we bredren.

1 John 3:24

Ebrybody wa da do wa God chaage um fa do, dat one da lib een God, an God da lib dey een dat poson haat. We know e da lib een we haat cause ob de Holy Sperit dat e gii we.

1 John 4:7

Me deah fren, leh we lob one noda, cause God de one wa pit lob een people haat. De one wa lob, dat one God own chile, an e know God.