1 John 3:20 - De Nyew Testament

²⁰ Ef we haat jedge we, say we ain do right, we know God great mo den we haat, an e know all ting.

1 John 3:20 ပူးပေါင်းရင်းမြစ်များ

John 21:17

Jedus aks Peter gin say, “Simon, John son, ya lob me?” Peter haat been hebby cause Jedus aks um shree time ef e lob um. So e ansa de Lawd say, “Lawd, ya know all ting. Ya know dat A lob ya!” Jedus tell um say, “Feed me sheep dem.

John 8:9

Wen dey yeh wa Jedus say, dey all lef dey, one by one. De ole one dem fus come outta dey, an den de nyoung one dem. So den jes Jedus been lef, an de ooman beena still stanop dey.

De Postle Dem 5:33

Wen de Council man dem yeh wa de postle dem say, dey been so mad til dey been wahn fa kill um.

Rome 8:34

Ain nobody kin condemn we fa we sin, cause Jedus Christ de one wa done dead fa we, an den too, e de one wa God mek git op fom mongst de dead people an lib gin. An Jedus Christ de one wa da seddown ta God right han side. E da taak ta God fa we!

1 Corinth 4:4

Een me haat A tink A ain guilty ob nottin. Bot dat ain mean A ain got no fault. De Lawd, e de one wa da jedge me.

Titus 3:11

Ya know dat a poson like dat, e done ton way fom de true teachin, an e da sin. E know de sin e da do da show dat e wrong.

Hebrew 4:13

Dey ain nottin ob all wa God mek, wa e cyahn see. Dey ain nobody kin hide fom God, nottin wa God ain see, fa true. God da see all ting, an e de one we mus gii ansa ta, bout wa we done do een de wol.

Hebrew 6:13

Wen God mek a promise ta Abraham way back yonda, e mek a wow, say fa true e gwine do wa e promise. An cause dey ain nobody wa got mo tority an powa den God, e gii e own name fa tek e wow.

1 John 3:19

So den, dis wa gwine mek we know we blongst ta de trute an we ain gwine warry een we haat wen we come fo God.

1 John 3:21

Me deah fren dem, ef we haat ain condemn we, we full op wid courage wen we come fo God.

1 John 4:4

Bot oona, me deah fren, oona God own people, an oona done win out oba de prophet dem wa ain taak de trute. Cause God Sperit wa dey eenside oona, e hab powa mo den de sperit wa dey eenside dem people wa blongst ta de wol.

Revelation 2:23

A gwine scrike e chullun dead. Dat gwine mek all de choch dem know, A de one wa know wa all people da tink an A da see eenside dey haat. A gwine gii all people dey payback fa wasoneba dey do.