1 John 3:11 - De Nyew Testament

¹¹ Dis de message oona done yeh fom de fus: We mus lob one noda.

1 John 3:11 ပူးပေါင်းရင်းမြစ်များ

John 13:4

So Jedus git op fom de table weh dey been seddown da nyam. E pull off e robe wa e weah oba e oda cloes, an tie a towel roun e wais.

John 15:12

A da chaage oona fa do dis: Oona mus lob one noda same fashion A done lob oona.

Galatia 6:2

Wen sompin da trouble somebody an e da beah hebby load, oona mus hep um. Wen oona do dat, oona gwine do wa Christ chaage oona fa do.

Ephesus 5:2

Oona life mus be full op wid lob een all dat oona do, jes like Christ lob we an done gii e life op fa we. E offa op e life as a sweet smellin offrin ta God, a sacrifice wa sattify God.

1 Thessalonica 4:9

Dey ain no need fa write oona bout how oona oughta lob oona Christian bredren. Cause God been laan oona fa lob one noda.

1 Timothy 1:5

A da chaage oona fa do dis so dat we all gwine hab lob wa da come fom a clean haat wa ain got no sin, an we gwine trus een God fa true.

1 Peter 1:22

Now dat oona da do wa de true wod tell oona fa do, dat mek oona stop fa do bad an mek oona lib clean life. An cause ob dat, oona lob oona Christian bredren fa true. So den, mus lob one noda, fa true, wid all oona haat.

1 Peter 3:8

De las ting A got fa tell oona, oona mus all gree mongst oonasef, wid one haat togeda. Lob one noda like broda an sista. Be kind ta one noda. Mus dohn be proud.

1 Peter 4:8

Bot dis de ting wa ya oughta do mo den all. Lob one noda wid all ya haat, cause de people wa lob one noda, dey all de time ready fa paadon people wen dey do um bad.

1 John 1:5

Dis de message wa God Son tell we an wa we da tell oona. God de light. Ain no daakness een um, none tall.

1 John 4:11

Me deah fren, since dat hommuch God lob we, we oughta lob one noda too.

1 John 4:21

So den, de one wa lob God haffa lob e broda too. Dat wa Christ chaage we fa do.

1 John 4:7

Me deah fren, leh we lob one noda, cause God de one wa pit lob een people haat. De one wa lob, dat one God own chile, an e know God.

2 John 1:5

Now, deah lady A da beg ya: Leh we lob one noda. Dis chaage wa A da write ain no nyew ting. Dat wa we been know fom wen we fus bleebe pon Christ.