1 John 2:7 - De Nyew Testament

⁷ Now den me deah bredren, dis ain no nyew chaage wa A da write down fa oona. Dis de ole chaage dat oona been hab fom de fus. De ole chaage, dat de wod oona beena yeh.

1 John 2:7 ပူးပေါင်းရင်းမြစ်များ

Matthew 5:43

“Oona yeh dat dey beena laan de people say, ‘Ya mus lob ya neighba dem an hate dem wa do ya wrong.’

John 13:34

An now A da gii oona a nyew chaage. Oona fa lob one noda. Same fashion A done lob oona, same fashion oona fa lob one noda.

De Postle Dem 17:19

So den, dem people grab hole ta Paul an cyaa um ta de council wa meet een Areopagus hill. Dey tell Paul say, “We wahn fa know bout dis nyew ting ya da laan we.

Hebrew 6:9

Oona me deah fren, an eben dough we taak like dis, we sho bout oona. We know oona da gwine een de betta way ob blessin wa go long wid oona sabation.

1 John 2:24

So den, fom de fus, oona beena laan de trute bout um. Mus keep all dat een oona haat. Ef dem fus ting wa oona beena yeh stay dey een oona haat, den all de time oona gwine be one wid de Son an wid God de Fada.

1 John 3:11

Dis de message oona done yeh fom de fus: We mus lob one noda.

1 John 3:2

Me deah fren, we God chullun now. We ain know yet wa we gwine be bye an bye. Bot we know, wen Christ come back, we gwine be like um. Cause wen e come, we gwine shim jes like e da.

1 John 3:21

Me deah fren dem, ef we haat ain condemn we, we full op wid courage wen we come fo God.

1 John 3:23

Dis wa God chaage we fa do: We fa bleebe pon de name ob e Son Jedus Christ. An we oughta lob one noda, same like Christ chaage we fa do.

1 John 4:1

Me deah fren, mus dohn bleebe ebry sperit. Test de sperit dem fa find out ef dey come fom God. Cause plenty prophet wa ain taak de trute beena gone out ebryweh.

1 John 4:11

Me deah fren, since dat hommuch God lob we, we oughta lob one noda too.

1 John 4:21

So den, de one wa lob God haffa lob e broda too. Dat wa Christ chaage we fa do.

1 John 4:7

Me deah fren, leh we lob one noda, cause God de one wa pit lob een people haat. De one wa lob, dat one God own chile, an e know God.