1 Corinth 7:5 - De Nyew Testament

⁵ Mus dohn hole yasef back fom one noda, cep wen oona gree togeda fa do dat jes fa a wile so dat oona kin spen de time fa pray ta God. Soon as dat time oba, go back an be wid one noda de way husban an wife do. Dat way, oona ain gii Satan no room fa tempt oona cause oona ain able fa tek chaage ob oonasef.

1 Corinth 7:5 ပူးပေါင်းရင်းမြစ်များ

Matthew 17:21

“Bot oona ain gwine be able fa dribe out dat kind ob ebil sperit, cep oona pray an fast.”]

Matthew 19:11

Jedus ansa um say, “Ain all man kin cept dis, bot jes dem wa God done mek um able fa do dat.

Matthew 4:10

Jedus tell um say, “Git way fom yah, Satan! Cause dey done write down een God Book say, ‘Mus woshup de Lawd ya God an mus dohn saab nobody cep um.’ ”

1 Corinth 7:4

De wife ain hab no right fa say no ta e husban. E body blongst ta e husban. Same way so, de husban ain hab no right fa say no ta e wife. E body blongst ta e wife.

1 Thessalonica 3:5

So cause A ain been able fa wait no longa fa yeh bout oona, A done sen Timothy fa find out bout how oona fait stan. A been consaan dat somehow de Debil wa da tempt gwine come tempt oona, an all we wok dey wid oona gwine gone fa nottin.