1 Corinth 7:36 - De Nyew Testament

³⁶ Now A say dis yah bout de man wa gage fa marry a ooman bot e ain know wa fa do. Ef de man tink e ain da do wa right fa e ooman, ef e ain haadly able fa tek chaage ob esef, den dey oughta git marry, like e wahn fa do. Dat ain no sin.

1 Corinth 7:36 ပူးပေါင်းရင်းမြစ်များ

Matthew 1:18

Now dis yah wa happen wen Jedus Christ bon. Jedus modda Mary been gage fa marry Joseph. Bot, fo dey git marry an Joseph cyaa um fa lib wid um, dey find out dat Mary been speckin. An dat been de powa ob de Holy Sperit wa mek dat happen.

Matthew 5:40

An ef somebody tek ya ta court fa mek ya gim ya shat, ya mus leh um hab ya coat too.

1 Corinth 7:35

A da tell oona dis fa hep oona. A ain da try fa stop oona fom de ting oona wahn fa do. A wahn oona fa lib een de right way an dohn leh nottin stop oona da wok fa de Lawd wid all oona haat.

1 Corinth 7:37

Bot ef e ain haffa, ef e able fa tek chaage ob esef an e done mek op e mind dat e ain gwine git marry ta de ooman, den dis man da do de right ting too.

1 Corinth 7:9

Bot ef oona ain able fa do dout somebody, oona oughta git marry. E betta fa git marry den fa bun.