1 Corinth 7:2 - De Nyew Testament

² Bot cause dey sommuch loose life all roun, ebry man oughta hab e own wife an ebry ooman oughta hab e own husban.

1 Corinth 7:2 ပူးပေါင်းရင်းမြစ်များ

Matthew 5:32

Bot A da tell oona say, ef any man worce e wife wen dat ooman ain sleep wid noda man, dat husban sponsable wen e wife git marry gin, fa mek de ooman lib een sin, cause e da sleep wid noda man. An de oda man dat marry de ooman wa done been worce dat way, dat man da lib een sin too. E da sleep wid noda man wife.

1 Corinth 6:18

Oona mus dohn lib loose life. All de oda sin dat people do, dey ain go ginst dey own body. Bot wen people lib loose life, dey da sin ginst dey own body.

1 Corinth 7:1

Now den, A gwine deal wid dem ting oona done write bout een oona letta. Dis yah wa A da say. Ef a man ain git marry, dat good.

1 Corinth 7:3

De man wa marry oughta sattify e wife. Same fashion, de marry ooman oughta sattify e husban.

1 Corinth 7:9

Bot ef oona ain able fa do dout somebody, oona oughta git marry. E betta fa git marry den fa bun.

Ephesus 5:28

Een dat same way, de husban mus lob e wife jes like de husban lob e own body. De man wa da lob e wife, e da lob esef.

Ephesus 5:33

Bot dis same wod da taak bout oona too. Ebry husban mus lob e wife jes like e lob esef an ebry wife mus hona e husban.

1 Thessalonica 4:4

Ebry one ob oona man dem, ya mus tek ya own ooman fa marry, een de way wa holy an right een God an een people eye.

1 Timothy 4:3

Dem people yah da tell people say e ain right fa marry an e ain right fa nyam some kind ob food. Bot God mek dem food yah fa nyam. An dem people wa bleebe pon Christ an know wa true, dey kin nyam dem food atta dey pray an tell God tankya.