1 Corinth 3:8 - De Nyew Testament

⁸ De one wa plant an de one wa wata, all two wok fa de same ting. An God gwine gii ebrybody e pay fa de wok e done.

1 Corinth 3:8 ပူးပေါင်းရင်းမြစ်များ

Matthew 16:27

Cause de Man wa Come fom God gwine come wid e Fada God glory an de angel dem. An den e gwine gii all people de pay fa wa dey done.

Luke 19:19

De king tell um say, ‘Ya gwine rule oba fibe city.’

Rome 2:6

Cause God gwine gii ebry poson de payback fa wasoneba e done.

1 Corinth 15:58

So den, me deah Christian bredren, oona mus stan scrong een de Lawd. Mus dohn leh nottin mek oona doubt. Oona mus keep on da do de Lawd wok all de time. Cause oona know dat fa true, all ting wa oona da do fa de Lawd ain gwine be fa nottin.

1 Corinth 3:14

Ef wa a poson done build pontop de solid groun ain bun op een de fire, God gwine gim e payback fa e wok.

1 Corinth 3:7

So den, de one wa plant de seed an de one wa wata um, dey all two ain nottin. God de one wa count mo den all, cause e da mek de plant grow.

1 Corinth 3:9

Cause we paatna, fa do God wok togeda. An oona stan like fiel dat God da wok. Oona stan too like house dat God da build.

1 Corinth 4:15

Eben ef oona got a whole heapa people fa watch out fa oona wiles oona da waak een Christ way, oona ain got bot jes one fada een Christ. A come fa be oona fada een Jedus Christ wen A tell oona de Good Nyews.

1 Corinth 9:7

Ain no sodja wa haffa pay e own way, ainty? Ain no faama wa plant grape wine an den ain nyam none ob de grape ob dat wine. An ain nobody wa mind sheep dat ain git none ob de sheep milk, ainty dough?

Galatia 6:4

Ebrybody oughta tink bout wa e da do an cide ef e da do right. Ef e da do right, den e kin be sattify. E ain oughta look at wa oda people da do fa cide ef e da do right.

Galatia 6:5

Cause ebrybody gwine haffa beah e own load.

Hebrew 6:10

God all de time scraight wid all people, so e ain gwine fagit de wok wa oona beena do. E ain fagit de lob oona beena show fa um, wen oona beena hep oona Christian bredren an how oona still keep on da hep um.

1 Peter 5:4

Den wen Christ, de head shephud wa oba all oda shephud appeah, e gwine gii ya de crown ob glory wa las faeba.

2 John 1:8

So den, oona mus tek cyah. Mus dohn loss wa oona done wok fa, so dat oona gwine git all dem ting wa God done promise oona.

Revelation 2:23

A gwine scrike e chullun dead. Dat gwine mek all de choch dem know, A de one wa know wa all people da tink an A da see eenside dey haat. A gwine gii all people dey payback fa wasoneba dey do.

Revelation 22:12

Jedus say, “Listen op! A da come soon! A da come fa gii ebry poson de payback wa e wok fa.