1 Corinth 16:20 - De Nyew Testament

²⁰ An all de Christian bredren yah say hey. Tell one noda hey een de name ob de Lawd.

1 Corinth 16:20 ပူးပေါင်းရင်းမြစ်များ

Matthew 5:47

An ef oona speak jes ta oona broda dem, oona ain do no mo den oda people da do, ainty? Cause eben people wa ain bleebe pon God, dey da do de same ting!

Rome 16:16

Tell one noda hey een Christian lob. All de people een de Christian choch dem wa dey yah da tell oona hey.

Rome 16:21

Timothy, wa da wok wid me, da tell oona hey. An Lucius, Jason, an Sosipater, dey da tell oona hey. Dey Jew people, jes like me.

Rome 16:23

Gaius da tell oona hey. A da stay een e house an all de people ob de choch da meet een e house, too. Erastus, wa da keep de money fa de city, an we Christian broda Quartus da tell oona hey. [

Philippi 4:22

An all God people yah, specially dem wa da wok een de house ob Caesar, dey da say hey ta oona.

1 Thessalonica 5:26

Tell all de bredren hey een Christian lob.

Hebrew 13:24

Greet all oona leada een de choch fa me, an all God people dey. We Christian bredren fom Italy da greet oona.

1 Peter 5:14

Greet one noda wid de kiss ob Christian lob. Leh all ob oona wa blongst ta Christ hab peace dey een oona haat.