1 Corinth 15:29 - De Nyew Testament

²⁹ Now den, leh we taak bout de people wa dey da bactize fa sake ob dem wa done dead. Ef, like some people da say, God ain mek dem wa done dead lib gin fa true, hoccome people go git bactize fa sake ob dem wa done dead?

1 Corinth 15:29 ပူးပေါင်းရင်းမြစ်များ

Matthew 20:22

Bot Jedus tell de son dem say, “Oona ain ondastan wa oona da aks me fa do. Oona gwine be able fa suffa wid me, fa drink fom de cup wa A gwine drink fom?” Dey ansa say, “We gwine be able fa do um.”

Matthew 3:6

Dey beena tell all de sinful ting dat dey done done, an dey aks God fa fagib um. Den John beena bactize um een de Jerden Riba.

1 Corinth 15:16

Cause ef God ain mek de people wa done dead lib gin, dat mean fa say e ain mek Christ lib gin needa.

1 Corinth 15:28

Bot wen all ting done been pit onda Christ rule, den Christ, de Son, e gwine be onda God, wa done pit all ting onda Christ. So den, God gwine be great mo den all, an rule oba all.

1 Corinth 15:30

An wa bout we? Hoccome we da pit wesef een danja all de time?

1 Corinth 15:32

Right yah een Ephesus A done fight fa me life jes like A beena fight wid wile beast dem. Ef A done dat jes fa sattify mesef, wa good dat gwine do me? Ef God ain mek dem people wa done dead lib gin, den jes like dey say, “Leh we nyam an drink an hab a good time, cause demarra we gwine dead.”